ഐ ആം കലാം

രാജസ്ഥാനിലെ ഒരു ഗ്രാമത്തിലെ ഒരു ധാബയില്‍ (വഴിയോര ഭക്ഷണശാല) പണിയെടുക്കുകയാണ് ചോട്ടു എന്ന ബാലന്‍ .  ഒരു ദിവസം അവന്‍ ടിവിയില്‍  ഡോ. അബ്ദുള്‍ കലാമിനെക്കുറിച്ചുള്ള ഒരു പ്രോഗ്രാം കാണാനിടയാവുന്നു.  എന്തെല്ലാം പ്രതിസന്ധികള്‍ തരണം ചെയ്താണ് അദ്ദേഹം വിദ്യാഭ്യാസം പൂര്‍ത്തിയാക്കിയതും പിന്നീട് രാഷ്ട്രപതിയായതും എന്നൊക്കെ ആ പരിപാടിയില്‍ വിശദീകരിക്കുന്നത് ശ്രദ്ധിച്ചത്  മുതല്‍ തന്നെ അബ്ദുള്‍ കലാം എന്നാണ് അവന്‍ മറ്റുള്ളവര്‍ക്ക് പരിചയപ്പെടുത്തുന്നത്.  തനിക്കും പഠിക്കണം എന്നും അബ്ദുള്‍ കലാമിനെ പോലെ വലിയ ആളാകണം എന്നും ചോട്ടുവിന് കലശലായ ആഗ്രഹം തോന്നുന്നു.  രാജകുടുംബത്തിലെ ഒരു കുട്ടി ചോട്ടുവിന്റെ ചങ്ങാതിയാകുന്നത് അവന്റെ ജീവിതത്തിലെ വഴിത്തിരിവാകുന്നു.  അവനില്‍ നിന്ന് പഴയ പുസ്തകങ്ങള്‍ വാങ്ങി ചോട്ടു  പഠിക്കാന്‍ തുടങ്ങുന്നു.

ഈ മാസം ലണ്ടനില്‍ നടക്കുന്ന  ചലച്ചിത്രോത്സവത്തില്‍ പ്രദര്‍ശിപ്പിക്കാനിരിക്കുന്ന ഐയാം കലാം എന്ന ഒന്നര മണിക്കൂര്‍ ദൈര്‍ഘ്യമുള്ള  സിനിമയുടെ കഥ തുടങ്ങുന്നത് ഇങ്ങനെയാണ്.  ഇതിനകം ചില അന്താരാഷ്ട്രമേളകളില്‍ പ്രദര്‍ശിപ്പിക്കപ്പെട്ട ഈ ചിത്രം ഡിസമ്പറില്‍ റിലീസ് ചെയ്യുമത്രെ.  ഇതിന്റെ തിരക്കഥ കേട്ട  അബ്ദുള്‍ കലാം ഈ ചിത്രത്തില്‍ പ്രത്യക്ഷപ്പെടാന്‍ സമ്മതിച്ചിരുന്നതായി മുന്‍പ് എവിടെയോ വായിച്ചിരുന്നു. ഒരു നിബന്ധനയേ അദ്ദേഹത്തിന് ഉണ്ടായിരുന്നുള്ളൂ. പ്രതിഫലം തരരുത് എന്ന്.  ഡല്‍ഹിയിലെ ചേരിയില്‍ താമസിക്കുന്ന ഹര്‍ഷ് മയാര്‍ എന്ന പയ്യനാണത്രെ ചോട്ടുവായി  അഭിനയിക്കുന്നത്.  ചിത്രത്തിന്റെ ട്രെയിലര്‍  താഴെ കാണുക:

4 comments:

വഴികാട്ടി said...

thanks for sharing

രമേശ്‌അരൂര്‍ said...

ചിത്ര വിശേഷം സന്തോഷം :)

യൂസുഫ്പ said...

നന്മയുടെ നാമ്പുകൾ ഇനിയും താങ്കളിൽ നിന്ന് പ്രതീക്ഷിക്കട്ടെ.

IndianSatan.com said...

Good One.....
New Link - http://www.youtube.com/watch?v=HquF5GPlDS4