ഇന്ത്യയുടെ പൈതൃകവും പാരമ്പര്യവും ആത്മാവ് തന്നെയും ആവാഹിച്ചെടുത്ത ദേശീയ പാര്‍ട്ടിയാണ് ഇന്ത്യന്‍ നേഷണല്‍ കോണ്‍ഗ്രസ്സ്. സ്വാതന്ത്ര്യസമരം മുന്നില്‍ നിന്ന് നയിച്ച് വെള്ളക്കാരന്റെ അടിമത്വത്തില്‍ നിന്ന് നാടിനെ മോചിപ്പിച്ചു എന്ന് മാത്രമല്ല കോണ്‍ഗ്രസ്സിന്റെ പ്രത്യേകത. സ്വാതന്ത്ര്യാനന്തരഭാരതത്തിന്റെ ഇത:പര്യന്തമുള്ള പുരോഗതിക്ക് കോണ്‍ഗ്രസ്സിന്റെ നയങ്ങളാണ് കാരണമായത്. ഒട്ടേറെ പുരോഗമന നയങ്ങളുമായി കോണ്‍ഗ്രസ്സ് ഇന്നും ഇന്ത്യയില്‍ ഏറ്റവും വലിയ ഒറ്റപാര്‍ട്ടി തന്നെ. ഇന്ത്യയെ പോലെ ഇത്രയും നാനാത്വമുള്ള ഒരു രാജ്യത്തെ ഒറ്റക്കെട്ടായി അതും ജനാധിപത്യരാഷ്ട്രമായി നിലനിര്‍ത്താന്‍ കോണ്‍ഗ്രസ്സിന് മാത്രമേ കഴിയുകയുള്ളൂ. കോണ്‍ഗ്രസ്സ് തകര്‍ന്നാല്‍ ഇന്ത്യ ഛിന്നഭിന്നമാവുമെന്ന് ദേശാഭിമാനമുള്ള ആരും സമ്മതിക്കും. ഇന്ത്യയില്‍ കോണ്‍ഗ്രസ്സിന് പകരം വയ്ക്കാന്‍ കോണ്‍ഗ്രസ്സ് മാത്രം. ബദലായി ഉയര്‍ന്ന് വന്ന ബി.ജെ.പി.യുടെ ഗതി കണ്ടില്ലേ? ഹിന്ദുത്വവികാരവും മുസ്ലീം വിരോധവും ആളിക്കത്തിച്ച് പാര്‍ട്ടി വളര്‍ത്താം എന്നാണ് ബി.ജെ.പി.നയം. മറ്റൊരു പരിപാടിയുമില്ല.
ഇന്ത്യ എന്നത് ഹിന്ദുവിന്റെ മാത്രം രാജ്യമല്ല. ഹിന്ദുവിനും മുസല്‍മാനും കൃസ്ത്യാനിക്കും അങ്ങനെ എല്ലാവര്‍ക്കും അവകാശമുള്ള മണ്ണാണിത്. നമ്മള്‍ എല്ലാവരും ചേര്‍ന്നാണ് ഈ മണ്ണ് പുതുക്കിപ്പണിത്കൊണ്ടിരിക്കുന്നത്. മുസ്ലീം വിരോധം ഈ മണ്ണില്‍ വിലപോകില്ല. മുസ്ലീം സഹോദരീസഹോദരന്മാരുടെ സ്നേഹവും ആത്മാര്‍ത്ഥബന്ധവും അനുഭവിച്ചറിഞ്ഞ ആര്‍ക്കും മുസ്ലീമിങ്ങളെ രക്തബന്ധമെന്ന് കരുതി സ്നേഹിക്കാനല്ലാതെ വെറുക്കാന്‍ കഴിയില്ല. ബി.ജെ.പി.ക്കാരന് ഈ സത്യം മനസ്സിലാവുന്നില്ല. കേരളത്തില്‍ മാത്രമാണ് മുസ്ലീം സമുദായത്തിലുള്ളവര്‍ സാമ്പത്തികമായി മുന്നില്‍ നില്‍ക്കുന്നത്. ഇതര സംസ്ഥാനങ്ങളില്‍ അവര്‍ വളരെ പിന്നോക്കാവസ്ഥയിലാണ്. കുറച്ച് തീവ്രവാദികളെയും ഒറ്റപ്പെട്ട അപഥസഞ്ചാരികളെയും കാട്ടി ഒരു മതത്തെ മൊത്തത്തില്‍ വെറുക്കപ്പെട്ടവരായി ചിത്രീകരിക്കാനാണ് അവര്‍ ശ്രമിച്ചത്. അത്കൊണ്ട് ഇന്ത്യന്‍ രാഷ്ട്രീയത്തില്‍ ബി.ജെ.പി.ക്ക് വിശ്വാസ്യത ലഭിച്ചില്ല. കാരണം ഇന്ത്യയുടെ പാരമ്പര്യം മതേതരമാണ്.
ഇങ്ങനെയൊക്കെ ആണെങ്കിലും ഇക്കാലത്തെ കോണ്‍ഗ്രസ്സ് ഒരു ജനാധിപത്യപാര്‍ട്ടി എന്ന് പറയാന്‍ പറ്റില്ല. കാക്കപിടുത്തക്കാരുടെയും സ്തുതിപാഠകരുടെയും ഒരു ആള്‍ക്കൂട്ടം എന്നേ പറയാന്‍ കഴിയൂ. തെരഞ്ഞെടുപ്പ് എന്ന് കേട്ടാല്‍ കോണ്‍ഗ്രസ്സിലെ നേതാക്കള്‍ക്ക് ചിത്തഭ്രമം വരും. കാരണം അണികളുടെ വിശ്വാസം ആര്‍ജ്ജിച്ച് തെരഞ്ഞെടുക്കപ്പെട്ട ഒരുത്തനും കോണ്‍ഗ്രസ്സിന്റെ നേതൃതലങ്ങളിലില്ല. പാരവെച്ചും ഏണി വലിച്ചും കാല് തിരുമ്മിക്കൊടുത്തും നേതാക്കന്മാര്‍ ആയവരേ ഉള്ളൂ. അവിടെയാണ് വേറിട്ടൊരു ഗര്‍ജ്ജനമായി മൃദുഭാഷിയായ രാഹുല്‍ ഗാന്ധിയുടെ വാക്കുകള്‍ മുഴങ്ങുന്നത്.
യൂത്ത് കോണ്‍ഗ്രസ്സില്‍ സംഘടനാതെരഞ്ഞെടുപ്പ് പൂര്‍ത്തിയായാല്‍ കോണ്‍ഗ്രസ്സില്‍ നോമിനേഷന്‍ അവസാനിപ്പിക്കുമെന്നാണ് ഇത്തവണ കേരളത്തിലെത്തി രാഹുല്‍ ഗാന്ധി പ്രഖ്യാപിച്ചത്. ഇന്നത്തെ യുവാക്കളാണല്ലൊ നാളെ നാടിനെ നയിക്കേണ്ടത്. ബന്ധുബലത്തിന്റെയും മുന്‍‌പരിചയത്തിന്റെയും പേരില്‍ യൂത്ത് കോണ്‍ഗ്രസ്സില്‍ ഇനി നേതാക്കളുണ്ടാകില്ല എന്നും നേതാക്കളെയും സ്ഥാനാര്‍ത്ഥികളെയും മുകളില്‍ നിന്ന് കെട്ടിയിറക്കുന്ന പാരാട്രൂപ്പിങ്ങ് സമ്പ്രദായം അവസാനിപ്പിക്കും എന്നും രാഹുല്‍ അസന്നിഗ്ദമായി പ്രഖ്യാപിക്കുമ്പോള്‍ കോണ്‍ഗ്രസ്സിനെ കുറിച്ചുള്ള പ്രതീക്ഷ വര്‍ദ്ധിക്കുന്നു. ഇതാ ഇക്കാലഘട്ടത്തില്‍ മാതൃകയാക്കാവുന്ന ഒരേ ഒരു ഇന്ത്യന്‍ യുവനേതാവ് എന്ന് രാഹുലിനെ ചൂണ്ടിക്കാട്ടാന്‍ കഴിയുന്നു.
സ്വകാര്യസംഭാഷണത്തില്‍ ഒരു സി.പി.എം. അനുഭാവി എന്നോട് മനസ്സ് തുറന്ന് പറഞ്ഞത് കമ്മ്യൂണിസ്റ്റ് രാഷ്ട്രീയപ്രവര്‍ത്തനശൈലി ഇപ്പോള്‍ രാഹുല്‍ ഗാന്ധിയാണ് നടത്തുന്നത് എന്നാണ്. രാജ്യത്തെ വിവിധ ഭാഗങ്ങളില്‍ ഓടിയെത്തി ജനങ്ങളോട് സംവദിക്കുന്ന ദേശീയരാഷ്ട്രീയ നേതാവ് ഇപ്പോള്‍ രാഹുല്‍ ഗാന്ധി മാത്രമാണ്. പാര്‍ട്ടികമ്മറ്റികളില്‍ മാത്രം പങ്കെടുക്കുന്ന, മറ്റ് രാഷ്ട്രീയപാര്‍ട്ടി നേതാക്കളെ മാത്രം സന്ധിക്കുന്ന പ്രകാശ് കാരാട്ട് എന്ന സ്വന്തം നേതാവിനെക്കുറിച്ചുള്ള ദു:ഖം അവന്റെ വാക്കുകളില്‍ വായിച്ചെടുക്കാമായിരുന്നു. എന്നിട്ടും പക്ഷെ ഇടത്പക്ഷം എന്ന വിശ്വാസം അവന് ത്യജിക്കാ‍ന്‍ കഴിയുന്നില്ല. പാവം. ഒരു ജനറല്‍ മാനേജര്‍ അല്ലെങ്കില്‍ ചീഫ് എക്സിക്യൂട്ടീ‍വ് എന്ന നിലയില്‍ അല്ലാതെ എന്ത് നേതൃഗുണമാണ് പ്രകാശ് കാരാട്ടിനോ പിണറായി വിജയനോ ഉള്ളത്? പാര്‍ട്ടി സ്റ്റേജുകളില്‍ അല്ലാതെ മണ്ണില്‍ ഇറങ്ങി പത്ത് സാധാരണക്കാരുമായി ഈ കാരാട്ടും പിണറായിയും എന്നെങ്കിലും സംവദിച്ചിട്ടുണ്ടോ? എന്നിട്ട് ഇവരൊക്കെ ജനകീയജനാധിപത്യവിപ്ലവത്തിന് നേത്രത്വം നല്‍കുമെന്നും സോഷ്യലിസമാണ് ഞങ്ങളുടെ ലക്ഷ്യമെന്നും പറയാന്‍ ഇടത് ബുജികള്‍ക്കും ബ്ലോഗര്‍മാര്‍ക്കും എത്ര തൊലിക്കട്ടിയും ലജ്ജയില്ലായ്മയും വേണം? എടോ, നിങ്ങള്‍ കമ്മ്യൂണിസവും സോഷ്യലിസവും വിപ്ലവവും ഉപേക്ഷിച്ചു എന്ന് പറ. പിന്നെ നിങ്ങളെ ആരും വിമര്‍ശിക്കില്ല. വിമര്‍ശിക്കപ്പെടാന്‍ ഇവിടെ പാര്‍ട്ടികള്‍ക്ക് പഞ്ഞമില്ലല്ലൊ.
നാളത്തെ ഇന്ത്യയുടെ പ്രതീക്ഷയായ രാഹുല്‍ ഗാന്ധിയ്ക്ക് ആയിരമായിരം അഭിവാദനങ്ങള്‍ !
42 comments:
വിവരക്കേടിന് കൈ കാല് വച്ചാല് KPS ആകുമോ.....
രാജീവിന്റെ മകനാകയാല്‍ മാത്രം അധികാരസ്ഥാനത്തെത്തിയ രാഹുല്‍ ഗാന്ധി കോണ്‍ഗ്രസ്സിലെ നോമിനേഷന്‍ സമ്പ്രദായം അവസാനിപ്പിക്കും എന്ന് പ്രഖ്യാപിച്ചാല്‍ എനിക്കത് ചിരിയോടെ മാത്രമേ കേള്‍ക്കാനാവൂ. . രാഹുലിന്റെ ഗ്രാമസന്ദര്‍ശനങ്ങള്‍ ജനപ്രീതി വളര്‍തിയെടുക്കുന്നതിനുള്ള തക്കിടതരികിട പരിപാടികള്‍ മാത്രമാണെന്ന് മനസ്സിലാവാന്‍ വലിയ മെനക്കേടുണ്ടെന്ന് തോന്നുന്നില്ല. ബ്ലോഗര്‍മാരും ബസ്സ് ഡ്രൈവര്‍മാരും എന്തു ചെയ്യണം എന്തുപേക്ഷിക്കണം എന്നൊക്കെ നിര്‍ദേശിക്കാന്‍ സൈബര്‍ നിയമങ്ങളും ഗൂഗിളും ഉണ്ട്. . പാര്‍ടികള്‍ക്ക് അവരുടെ തത്വങ്ങളും,.അതിനു വേറാരും മെനക്കെടണമെന്നില്ല.
അപ്പൂപ്പന്‍ ജി , അച്ഛന്‍ ജി, ഞാന് ജി , എന്റെ മോന്‍ ജി കള്‍ക്ക് അഭിവാദ്യങ്ങളോടെ
സുകുമാരേട്ടാ,
കെ.പി.സുകുമാരന്‍ said...
"ബന്ധുബലത്തിന്റെയും മുന്‍‌പരിചയത്തിന്റെയും പേരില്‍ യൂത്ത് കോണ്‍ഗ്രസ്സില്‍ ഇനി നേതാക്കളുണ്ടാകില്ല എന്നും നേതാക്കളെയും സ്ഥാനാര്‍ത്ഥികളെയും മുകളില്‍ നിന്ന് കെട്ടിയിറക്കുന്ന പാരാട്രൂപ്പിങ്ങ് സമ്പ്രദായം അവസാനിപ്പിക്കും എന്നും രാഹുല്‍ അസന്നിഗ്ദമായി പ്രഖ്യാപിക്കുമ്പോള്‍ കോണ്‍ഗ്രസ്സിനെ കുറിച്ചുള്ള പ്രതീക്ഷ വര്‍ദ്ധിക്കുന്നു."
ഇത് രാഹുല്‍ ഗാന്ധി പറയുമ്പോള്‍ കേരളത്തിലെ കോണ്‍ഗ്രസ്സ് നേതാക്കള്‍ ഊറിചിരിക്കുന്നുണ്ടാവണം. ഇദ്ദേഹത്തിന്റെ മുത്തശ്ശിയുടെ കൂടെ വരെ പ്രവര്‍ത്തിച്ച നേതാക്കാള്‍ ഇപ്പോള്‍ രാഹുല്‍ജിയുടെ മഹത്വം നമ്മുടെ മുന്‍പില്‍ അവതരിപ്പിക്കുമ്പോള്‍ എന്തോ ഒരു വല്ലായ്മ. അധികം താമസിയാതെ പ്രിയങ്കയും കോണ്‍ഗ്രസ്സില്‍ വന്ന് ബന്ധുബലമല്ല കോണ്‍ഗ്രസ്സില്‍ നേതാക്കളെ തീരുമാനിക്കുന്നതെന്നു പറയുന്നതും കേള്‍ക്കേണ്ടി വരും.
@ sasinas , ഇത്രയും വിവരങ്ങള്‍ ഇവിടെ എഴുതിയിട്ടും അതൊന്നും ശ്രദ്ധിച്ചില്ലേ?
@ അരുണ്‍ , ഇതൊക്കെ മെനക്കെടലല്ല അരുണേ.. സൂര്യന് താഴെയുള്ള സര്‍വ്വകാര്യങ്ങളിലും സി.പി.എം.കാരും അവരുടെ സഹയാത്രികരായ സാംസ്ക്കാരികനായകരും അഭിപ്രായം പറയാറുണ്ടല്ലോ. അത്രയേയുള്ളൂ. നാലാള് ഞാന് എഴുതുന്നതും വായിക്കും എന്ന് മാത്രം. കമ്മ്യൂണിസ്റ്റ് രാഷ്ട്രങ്ങളില്‍ ഭരണാധികാരം ഒസ്സ്യത്ത് എഴുതിവെക്കലാണ് പതിവ്. അങ്ങനെയാണ് ഉ.കൊറിയയില്‍ കിം ഉല്‍ സുങ്ങിന്റെ (പേര്‍ തെറ്റിയോ) മകന്‍ ഭരിക്കുന്നത്. ക്യൂബയില്‍ കാസ്‌ട്രോവിന്റെ അനിയന്‍ റൌള്‍ ഇപ്പോ ഭരിക്കുന്നതും അങ്ങനെ. ചൈനയില്‍ ചൌ എന്‍ ലായിയുടെ മകന്‍ പ്രധാനമന്ത്രിയായതും അങ്ങനെ. രാഹുല്‍ ഗാന്ധി മഹത്തായ ഒരു ദൌത്യത്തിലാണ്. അത് വിജയം കാണുന്നുണ്ട് താനും.
ഇവിടെ ഇങ്ങനെ എഴുതിയാലും ഇതൊക്കെ പാര്‍ട്ടിക്കാരുടെ അടുത്തും എത്തിക്കണം കേട്ടോ. നല്ല മാര്‍ക്സിസ്റ്റുകാര്‍ക്ക് പാര്‍ട്ടിയുടെ പോക്കില്‍ ദു:ഖമുണ്ട്. എന്നെ സംബന്ധിച്ച് ഈ പാര്‍ട്ടി ഇങ്ങനെ തന്നെ പോണം. തൊഴിലാളിവര്‍ഗ്ഗസര്‍വ്വാധിപത്യം സ്ഥാപിക്കാനുള്ള ജനപിന്‍‌തുണ ഈ പോക്ക് കൊണ്ട് ഒരിക്കലും കിട്ടില്ലല്ലൊ. നാല് പേരെ അറിയിക്കാ‍നാണ് എന്റെ ബ്ലോഗ്. അല്ലാതെ നന്നാക്കാനുള്ള മെനക്കെടലല്ല.
നന്ദി.
@ രാജന്‍ , രാഹുല്‍ ഗാന്ധിയുടെ വാക്കുകള്‍ കേരളത്തിലെ കോണ്‍ഗ്രസ്സ് നേതാക്കള്‍ വയറ്റെരിച്ചലോടെയാണ് ശ്രവിച്ചിരിക്കുക എന്നാണെനിക്ക് തോന്നുന്നത്. രാഹുല്‍ ഗാന്ധിയുടെ പ്രവര്‍ത്തനങ്ങളുടെ ഫലം കാലം തീരുമാനിക്കട്ടെ. ഇന്ത്യന്‍ രാഷ്ട്രീയം ചീഞ്ഞ് നാറുകയാണ്. ഒരു നല്ല നേതാവിനെ കാലം ആവശ്യപ്പെടുന്നുണ്ട്. അത് രാഹുല്‍ ഗാന്ധിയോ പ്രിയങ്കയോ ആയാല്‍ എന്താണ് കുഴപ്പം? മുന്‍‌വിധികള്‍ നമ്മെ എവിടെയുമെത്തിക്കില്ല.
ബന്ധുബലത്തില്‍ വന്നതാണെങ്കിലും ഇനി അത് അനുവദിക്കില്ല എന്ന് പറയാന്‍ ഉള്ള രാഹുലിന്റെ തന്റെടത്തെ വിമര്‍ശകര്‍ കാണുന്നില്ലേ ?
ഭരണാധികാരം ഒസ്യത്ത് എഴുതി വെയ്ക്കുന്നത് കാണാന്‍ എന്തിനാമാഷേ അങ്ങുവടക്കന്‍ കൊറിയയിലൊക്കെ പോണത് . അതൊക്കെ ഇവിടെത്തന്നെ ഉണ്ടല്ലോ ധാരാളം. ഞാന് ബന്ധുബലത്തോടെയാണ് വന്നത് പക്ഷേ ഇനി അത് അനുവദിക്കില്ല എന്നു പറയുന്നതിന് ആത്മവിശ്വാസം ധാരാളം വേണം. മുന്‍ അധ്യക്ഷന്‍ മരിച്ചാല്‍ അയാളുടെ വിധവയെ /മകനെ അധ്യക്ഷസ്ഥാനത്ത് നിയമിക്കുന്ന പ്രസ്ഥാനങ്ങളില്‍ നിന്നും നാം എന്ത് ജനാധിപത്യമാണ് പ്രതീക്ഷിക്കേണ്ടത് ?
രാജവഴ്ചയുടെ വേരുകള്‍ ഇനിയുമറ്റുപോവാത്ത രീതിയാണ് ഇന്ത്യന്‍ ജനാധിപത്യത്തിന്റെ. താങ്കള്‍ക്ക് രാഹുല്‍ ഗാന്ധിയില്‍ വിശ്വാസമര്‍പിക്കാം. എന്നാല്‍ മേലില്‍ നെഹ്രു കുടുംബം എന്നപദവി ദുര്‍വിനിയോഗം ചെയ്ത് അധികാരബിരിയാണി തിന്നാന്‍ പാഞ്ഞുചെല്ലില്ല എന്ന് പറയാന്‍ രാഹുല്‍ ഗാന്ധിക്കാവാത്തിടത്തോളം കാലം അയാളുടേത് ഒരു പതിവ് രാഷ്ട്രീയനാടകമാണ്.
അധികാരബിരിയാണി തിന്നാന്‍ പാഞ്ഞ് ചെന്നോ. എപ്പോ ആര് ? സോണിയാഗാന്ധി പ്രധാനമന്ത്രി പദം ഏറ്റെടുത്തില്ല. കോണ്‍ഗ്രസ്സ് അദ്ധ്യക്ഷസ്ഥാനവും പ്രധാ‍നമന്ത്രിപദവും ഒരാള്‍ തന്നെ വഹിക്കുക എന്ന ഇന്ദിരാഗാന്ധി തുടങ്ങിവെച്ച കീഴ്‌വഴക്കം സോണിയാ ഗാന്ധി ഉപേക്ഷിച്ചില്ലേ? മന്‍‌മോഹന്‍ സിങ്ങ് പറഞ്ഞിട്ട് പോലും മന്ത്രി പദം സ്വീകരിക്കാതെ രാഹുല്‍ ഗാന്ധി രാഷ്ട്രീയപ്രവര്‍ത്തനിറങ്ങിത്തിരിച്ചു. ഇതിലൊന്നും വ്യത്യസ്തത കാണാതെ പതിവ്ശൈലിയില്‍ നെഹ്‌റു പാരമ്പര്യം ഒക്കെ പറയുന്നത് മുന്‍‌വിധി കൊണ്ടാണ്. വേറെ നല്ല മാതൃകകള്‍ കാട്ടിത്തരാന്‍ കഴിയുമോ ഇവിടെ?
“”ക്യൂബയില്‍ കാസ്‌ട്രോവിന്റെ അനിയന്‍ റൌള്‍ ഇപ്പോ ഭരിക്കുന്നതും അങ്ങനെ“”
ആണോ?? റൌള്‍ കാസ്ട്രോ ഫിദലിനൊപ്പം തന്നെ ക്യൂബന്‍ വിപ്ലവ പോരാട്ടത്തില്‍ നേതൃപരമായ പങ്ക് വഹിച്ചിട്ടുണ്ടെന്നാണ് വായിച്ചറിവ്.
"പാര്‍ട്ടി സ്റ്റേജുകളില്‍ അല്ലാതെ മണ്ണില്‍ ഇറങ്ങി പത്ത് സാധാരണക്കാരുമായി ഈ കാരാട്ടും പിണറായിയും എന്നെങ്കിലും സംവദിച്ചിട്ടുണ്ടോ?"
do comrades have any comment on this?
@Baiju Elikkattoor
ബൈജു , ഒരു നല്ല നേതാവ് എങ്ങനെയിരിക്കണം എന്ന് ചോദിച്ചാല്‍ ഒരുപാട് ആലോചിട്ട് മാത്രമേ നമുക്ക് മറുപടി പറയാന്‍ കഴിയൂ. എന്നാല്‍ നേതാവ് എങ്ങനെയായിരിക്കരുത് എന്ന് ചോദിച്ചാല്‍ എളുപ്പം പറയാന്‍ കഴിയുന്ന രാഷ്ട്രീയസൂപ്പര്‍ താരങ്ങളാണ് കാരാട്ടും പിണറായിയും. ഒരു കോമ്രേഡ്‌സും ഇതിനൊന്നും ഉത്തരം പറയില്ല. കാരണം വളരെ യാ‍ഥാസ്ഥിതികമായ മലയാളി മനസ്സിന് സ്വന്തമായത് ഈഗോ മാത്രമാണ്. തമിഴ്‌നാട്ടിലെ ജനങ്ങളോക്കെ എവിടെയോ എത്തി. രാഷ്ട്രീയപ്രവര്‍ത്തനത്തിന്റെ ബാലപാഠങ്ങള്‍ സഖാക്കള്‍ എം.കെ.സ്റ്റാലിന്റെ അടുത്ത് നിന്ന് പഠിച്ചെങ്കില്‍ നന്നാ‍യിരുന്നു.
sukumarettante vivarakedukal.......
nehruvil ninnum indirayilekku, ethu eleection aayirunnu, avide ninnum rajivilekkum, pinne soniayayilekkum, ingu rahulekkum ethu election aanavo sukumeratte............
@sunil
അത്കൊണ്ടല്ലേ അത് ഇനി അവസാനിപ്പിക്കും എന്ന് രാഹുല്‍ പറയുന്നത് സുനിലേ ... കുറച്ചു കാത്തിരിക്കാമല്ലൊ . മറ്റെന്താ ചെയ്യുക. ഒരു വേറിട്ട വാക്ക് ആരും മിണ്ടുന്നില്ലല്ലൊ.
പിണറായി താഴെത്തട്ടില്‍ പ്രവര്‍ത്തിച്ചിട്ടല്ല എന്നു പറയാനും അതു സപ്പോര്‍ട്ട് ചെയ്യാനും അപാര രാഷ്ട്രീയ വൈരാഗ്യമോ അജ്ഞതയോ വേണം.
താന്‍ ഇട്ട പോസ്റ്റിലെ വൈരുദ്ധ്യം മറ്റുള്ളവര്‍ ചൂണ്ടിക്കാണിക്കുമ്പോഴെങ്കിലും മനസിലാക്കാന്‍ സാധിച്ചിരുന്നെങ്കില്‍...
അന്ധമായ രാഷ്ട്രീയ വിരോധം ആണ് ഇത്തരം കമന്റുകളിലേക്ക് നയിക്കപ്പെടുന്നതിനു കാരണം എന്നു തോന്നുന്നു. പക്ഷേ കുറച്ചു കൂടി പക്വമായ നിലപാട് സ്വീകരിക്കാനുള്ള പ്രായമൊക്കെ ആയില്ലേ??
@വിബിഎന്‍
താഴെത്തട്ടിലെ കാര്യമല്ല മേലേ തട്ടില്‍ എത്തിയപ്പോഴത്തെ കാര്യമാ ഈ പോസ്റ്റില്‍ പരാമര്‍ശവിഷയം.
@വിബിഎന്‍
ഓ .. എന്നേക്കാളും പ്രായമുള്ള ആളാ സ.പിണറായി. എടോ ഗോപാലകൃഷ്ണ വിളി നല്ല പക്വതയാ അല്ലേ... താനിവിടെ എന്ത് പക്വതക്കുറവാ കണ്ടേ
Baiju Elikkattoor said...
"പാര്‍ട്ടി സ്റ്റേജുകളില്‍ അല്ലാതെ മണ്ണില്‍ ഇറങ്ങി പത്ത് സാധാരണക്കാരുമായി ഈ കാരാട്ടും പിണറായിയും എന്നെങ്കിലും സംവദിച്ചിട്ടുണ്ടോ?"
എന്നെങ്കിലും എന്നു പറഞ്ഞാല്‍ അതിനര്‍ത്ഥം മേലെതട്ടില്‍ എത്തിക്കഴിഞ്ഞാണ് എന്ന് താങ്കള്‍ക്കു മാത്രമേ മനസിലാകൂ...
ബൈജുവിന്റെ വിവരമില്ലാത്ത കമന്റ് വായിച്ചപാടെ അതിനെ സപ്പോര്‍ട്ട് ചെയ്തത് പക്വതക്കൂടുതല്‍ ആണെന്നു ഞാന് കരുതണമായിരുന്നോ?
തമിഴ് സിനിമയില്‍ കാണുന്ന പോലെ കലാവതിയുടെ വീട്ടില്‍ പോയും ഒന്നരക്കോടി മുടക്കി വന്നു തട്ടുകടയില്‍ നിന്നു ചായ കുടിക്കലും ഇല്ലാത്തതുകൊണ്ട് മേലെതട്ടില്‍ എത്തിക്കഴിഞ്ഞ് പിണറായി സാധാരണ പ്രവര്‍ത്തകരുമായി സംവദിക്കാറില്ല എന്നാണോ അര്ത്ഥം?
ബൈജു എന്റെ വാക്കുകള്‍ ക്വോട്ട് ചെയ്തതാണ്. അപ്പോ ഒന്നും വായിച്ചില്ല അല്ലേ? ആ വിവരക്കേടിന്റെയും പക്വതക്കുറവിന്റെയും ഉടമ സാക്ഷാല്‍ ഞാന് തന്നെയാണ്.
അതു താങ്കളുടെയാണെങ്കില്‍ എന്റെ കമന്റുകള്‍ കൂടുതല്‍ പ്രസക്തമാകുന്നു..
രാഹുല്‍ഗാന്ധിയെ പോലെ ആരും കേരളത്തില്‍ ഉണ്ടാവില്ല..കേരളത്തില്‍ സി.പി.എം-നേതാക്കള്‍ക്ക് തഴച്ച് വളരാം..ഒരു പങ്ക് രഹസ്യമായി ഉമ്മന്‍ ചാ‍ണ്ടിയും ചെന്നിത്തലയും പറ്റട്ടെ..(എല്ലാം ഒരു ദിവസം തീരും..) . Anyway നമ്മളില്‍ മിക്കവരും കേരളത്തില്‍ ഇല്ലല്ലോ..വല്ലപ്പോഴും അവധിക്കുവരുമ്പോള്‍ നമുക്ക് തീം പാര്‍ക്കുകളില്‍ പോയി ആര്‍മാദിക്കാം..പിന്നെ റെസിഡെന്റ് കേരളൈറ്റ്സ് , അവര്‍ക്ക് മദ്യം തന്നെ ശരണം, ഒന്നും അറിയണ്ടല്ലോ..
@nadan
Good comment :)
രാഹുൽ കോൺഗ്രസ്സിൽ ഒരു തരംഗമാണ്‌, അത് ഗാന്ധി കുടുംബത്തിൽ നിന്ന് ലഭിച്ചതും... അത് കോൺഗ്രസ്സ് വോട്ടാക്കുന്നു. അതും നാട്ടുനടപ്പ്‌. ഇത് ജനാധിപത്യവിരുദ്ധവുമല്ല. പക്ഷെ തിരഞ്ഞെടുപ്പ് എന്ന നാടകം പോലും നടത്താതെ പാരച്യൂട്ടിൽ ഇറങ്ങുകയും ഇപ്പോഴും സ്വന്തം ആവശ്യത്തിനനുസരിച്ച്‌ പാരച്യൂട്ട് സമ്പ്രദായം ഉപയോഗിക്കുകയും ചെയ്യുന്ന രാഹുൽ തന്നെ ഇത് പറയണം. രാഹുൽ എങ്ങനെ പാർട്ടിയിൽ വന്നു എന്നതിനേക്കാൾ പഠന വിഷയമാക്കേണ്ടത്‌ ഇപ്പോഴും രാഹുൽ തുടരുന്ന “ജാനാധിപത്യ രീതിയാണ്”. ടാലന്റ് ഹണ്ട് മുതൽ തുടങ്ങുന്നു രാഹുലിന്റെ നോമിനേഷൻ രീതി.
“സ്വകാര്യസംഭാഷണത്തില്‍ ഒരു സി.പി.എം. അനുഭാവി എന്നോട് മനസ്സ് തുറന്ന് പറഞ്ഞത് കമ്മ്യൂണിസ്റ്റ് രാഷ്ട്രീയപ്രവര്‍ത്തനശൈലി ഇപ്പോള്‍ രാഹുല്‍ ഗാന്ധിയാണ് നടത്തുന്നത് എന്നാണ്.”
ജനങ്ങളുടെ മുന്നിൽ ഒന്ന് പറയുക സ്വകാര്യമായി മറ്റൊന്ന്‌ ചെയ്യുക. ഇതായിരിക്കും സി.പി.എം അനുഭാവി പറഞ്ഞത്...
@കാക്കര - kaakkara
ഓ അതായിരിക്കും ആ അനുഭാവി പറഞ്ഞതിന്റെ അര്ത്ഥം അല്ലേ? പോകുമ്പോള്‍ കൈ തന്നിട്ട് ഇത്രയും കൂടി പറഞ്ഞിരുന്നു : “ഞങ്ങള്‍ക്കും പാര്‍ട്ടിയുടെ പോക്കില്‍ പ്രയാസമുണ്ട്. ഞാന് പാര്‍ട്ടി മെമ്പര്‍ ഒന്നുമല്ല. ഞങ്ങള്‍ സുഹൃത്തുക്കള്‍ പരസ്പരം ഇങ്ങനെ സംസാരിക്കാറുണ്ട് ” എന്നൊക്കെ . അവന് പറഞ്ഞത് അതേ പോലെ മുഖവിലയ്ക്കെടുക്കുകയാണ് ഞാന് ചെയ്തത്. ഇതിപ്പോ കണ്‍ഫ്യൂഷന്‍ ആയല്ലോ അവന് ശരിക്കും എന്താണ് ഉദ്ദേശിച്ചിരിക്കുക എന്ന്. മതി പോട്ട്. കൂടുതല്‍ പറഞ്ഞാല്‍ ആരെങ്കിലും തെളിവ് ഹാജരാക്കാന്‍ ആവശ്യപ്പെട്ടാലോ
ഇപ്പൊ ബില്‍ ഗേറ്റ്സും മഹാനായി !
ഇന്നലെ നമ്മുടെ യുവരാജാവിന്റെ ഒപ്പം വന്ന് ഗേറ്റ്സ് ഒരു ദളിത് കുടുംബത്തോടൊപ്പം സമയം ചെലവഴിച്ചത്രെ !
രാജവംശജനായ മോഹന്‍ലാല്‍ കഥാപാത്രം തെരഞ്ഞെടുപ്പടുക്കുമ്പോള്‍ ചേരിയിലുള്ള ഒരു വീട്ടില്‍ പോയി അടുക്കളയില്‍ കേറി മീങ്കറി തിന്നുകയും കൊച്ചിനെ ഓമനിക്കുകയും ചെയ്ത് വീട്ടിലെത്തി ഡെറ്റോളില്‍ കുളിക്കുന്ന ഒരു രംഗമുണ്ട് ഭൂമിയിലെ രാജാക്കന്മാര്‍ എന്ന സിനിമയില്‍.
രാഹുല്‍ ജി ക്കീ ജെയ് !
@അരുണ്‍/arun
ഹ ഹ അരുണേ ഇതൊക്കെ അസഹിഷ്ണുതകൊണ്ട് തോന്നുന്നതാ .... ഇടത് നേതാക്കള്‍ ധാര്‍ഷ്ട്യവും മസിലു പിടുത്തവും ഒക്കെ കുറച്ച് ജനങ്ങളോടൊപ്പം സഹജമായി പെരുമാറിയാല്‍ അവര്‍ക്കും ഇവിടത്തെ ജനാധിപത്യത്തില്‍ ഇടമുണ്ട്. പണ്ട് കമ്മ്യുണിസ്റ്റ് പാര്‍ട്ടി കെട്ടിപ്പടുത്തത് അങ്ങനെയാണ്.
ഒന്ന് കൂടി പറയാം. ഞാന് പാര്‍ട്ടി വിരുദ്ധനാണ്. അത്കൊണ്ട് ഞാന് പറയുന്നത് അംഗീകരിക്കണമെന്നില്ല. നന്നാക്കാന്‍ വരുന്നതുമല്ല. സി.പി.എമ്മിനോട് പ്രത്യേകിച്ചും ഇടത്പക്ഷത്തോട് പൊതുവേയും ലവലേശമെങ്കിലും കൂറ് ഉണ്ടെങ്കില്‍ നിങ്ങള്‍ ചെയ്യേണ്ടത് പാര്‍ട്ടിയില്‍ കണ്ണൂര്‍ ലോബിക്കെതിരെ കലാപം ഉയര്‍ത്തുകയാണ്. ഇല്ലെങ്കില്‍ അവര്‍ ഈ പാര്‍ട്ടിയെയും കൊണ്ടേ പോകൂ. അവര്‍ക്ക് പേടിക്കാനില്ല. നിരവധി ചാരിറ്റബിള്‍ സൊസൈറ്റികളുണ്ട്.
“”ഒന്ന് കൂടി പറയാം. ഞാന് പാര്‍ട്ടി വിരുദ്ധനാണ്. അത്കൊണ്ട് ഞാന് പറയുന്നത് അംഗീകരിക്കണമെന്നില്ല. നന്നാക്കാന്‍ വരുന്നതുമല്ല.“”
ഇത് മനസ്സിലായതാണ്. :)
“”“സി.പി.എമ്മിനോട് പ്രത്യേകിച്ചും ഇടത്പക്ഷത്തോട് പൊതുവേയും ലവലേശമെങ്കിലും കൂറ് ഉണ്ടെങ്കില്‍ നിങ്ങള്‍ ചെയ്യേണ്ടത് പാര്‍ട്ടിയില്‍ കണ്ണൂര്‍ ലോബിക്കെതിരെ കലാപം ഉയര്‍ത്തുകയാണ്.“”“
എന്തിനാ??? ഇടത് പക്ഷവും പാര്‍ട്ടിയും നന്നായിട്ട് സുകുമാരേട്ടന് എന്ത് കിട്ടാന്‍ ?? അവര്‍ കേരളം തുടര്‍ച്ചയായി ഭരിക്കാനാണോ??? എന്നാലേ കേരളം നന്നാവൂന്നുണ്ടോ?? അപ്പോ സുകുമാരേട്ടന്റെ രാഹുല്‍ ജിയും കോങ്ക്രസ്സും എന്താ ചെയ്യാ???
“”ഇല്ലെങ്കില്‍ അവര്‍ ഈ പാര്‍ട്ടിയെയും കൊണ്ടേ പോകൂ.“”
അപ്പോ സുകുമാരേട്ടന് വിഷമം ഉണ്ട്, ഈ പാര്‍ട്ടി പോകുന്നതില്‍ ??? ചുമ്മാ പോട്ടെന്നേ. എന്നാലല്ലേ എന്നും യു ഡി എഫിന് സുകുമാരേട്ടന് വിചാരിക്കുന്ന പോലത്തെ ഭരണവും കൊണ്ട് വരാന്‍ കഴിയൂ?? അതോ ഈ പാര്‍ട്ടി പോയാല്‍ കേരളത്തിന് ഗുണമുണ്ടാവില്ല എന്ന് സുകുമാരേട്ടനും വിശ്വസിക്കുന്നുണ്ടോ??
“” അവര്‍ക്ക് പേടിക്കാനില്ല. നിരവധി ചാരിറ്റബിള്‍ സൊസൈറ്റികളുണ്ട്.“”
ചാരിറ്റബിള്‍ സൊസൈറ്റിയല്ലേ?? എന്തെങ്കിലും ചാരിറ്റികള്‍ ചെയ്ത് ജീവിവ്ഹ്വ്ഹ് പോട്ടെന്ന്. :)
@രാമചന്ദ്രന്‍ വെട്ടിക്കാട്ട്.
:) വെറും ചാരിറ്റി അല്ല, മലബാര്‍ ക്യാന്‍സര്‍ സെന്റര്‍ , വിസ്മയ വാട്ടര്‍ തീം പാര്‍ക്ക് , ഇപ്പോഴത്തെ വിവാദ പാപ്പിനിശ്ശേരി മാന്‍‌ഗ്രോവ്സ് തീം പാര്‍ക്ക്, നായനാര്‍ സ്മാരകം , കോഴിക്കോട് തുടങ്ങാന്‍ പോകുന്ന പഞ്ചനക്ഷത്ര ഹോട്ടല്‍ എല്ലാം ചാരിറ്റബിള്‍ സൊസൈറ്റി കീഴിലാണ് ഉള്ളത്. ചാരിറ്റബ്ബിള്‍ മാഫിയ എന്ന് ചുരുക്കം :(
ഓ! എന്ത് മാഫിയ ആയാലും ഒറ്റക്ക് കൊണ്ടോയി പുട്ടടിക്കുന്നില്ലല്ലോ?? മക്കള്‍ക്കും മരുമക്കള്‍ക്കുമായി മാത്രം ഒന്നും സൊകാര്യവല്‍ക്കരിക്കുന്നില്ലല്ലോ ഈ ചാരിറ്റി മാഫിയ! :)
അല്ലാ സുകുമാരേട്ടാ? ഈ അമൃതാനന്ദമയി, തുടങ്ങിയങ്ങോട്ടുള്ള സകലതും പോലുള്ള മാഫിയാ തന്നെയാണോ ഈ ചാരിറ്റി മാഫിയായും?? ;)
ചാരിറ്റിയും ഇന്ന് ഒരു മാഫിയ തന്നെയെന്ന് പറയേണ്ടി വരും രാമചന്ദ്രാ :) ആത്മീയതയും രാഷ്ട്രീയവും ജീവകാരുണ്യപ്രവര്‍ത്തനങ്ങളും ഒക്കെ ഇന്ന് മാഫിയവല്‍ക്കരിക്കപ്പെട്ടുകൊണ്ടിരിക്കുന്നു. അമൃതാനന്ദമയി ട്രസ്റ്റ് എത്രയോ കോടികള്‍ സമ്പാദിക്കുന്നു, അതില്‍ തുച്ഛമായ ഒരു വിഹിതം മാത്രം ജീവകാരുണ്യപ്രവര്‍ത്തനങ്ങള്‍ക്ക് നീക്കിവെക്കുന്നു. ആത്മീയരംഗത്ത് പ്രവര്‍ത്തിക്കുന്നവര്‍ എന്തിനാണ് ഇങ്ങനെ ബിസിനസ്സ് നടത്തുന്നത് എന്നാരും ചോദിക്കുന്നില്ല. അതേ പാതയാണ് ഇപ്പോള്‍ സി.പി.എം. രാഷ്ട്രീയരംഗത്തും പ്രയോഗിക്കുന്നത്. എന്തിനാണ് രാഷ്ട്രീയപാര്‍ട്ടി ബിസിനസ്സ് നടത്തുന്നത് എന്ന് തീര്‍ച്ചയായും ചോദിക്കണം. കാരണം ആത്മീയത പോലെയല്ല രാഷ്ട്രീയപ്രവര്‍ത്തനം. വിശദീകരിക്കേണ്ടല്ലോ മനസ്സിലാക്കാവുന്നതേയുള്ളൂ. ഇനിയിപ്പോ അവരും ബിസിനസ്സ് നടത്തി സമ്പാദിച്ചോട്ടെ എന്നാണ് ഉത്തരമെങ്കില്‍ ഒന്നും പറയാനില്ല. വിപ്ലവരാഷ്ട്രീയപ്രവര്‍ത്തനവും ബിസിനസ്സും ഞങ്ങള്‍ നടത്തും എന്ന് പറഞ്ഞാലും കേള്‍ക്കാനേ പറ്റൂ. എന്നെ പോലെ ചിലര്‍ ഇങ്ങനെ ബ്ലോഗിലോ മറ്റും എഴുതും എന്ന് മാത്രം. അതങ്ങ് സഹിച്ചാ മതി. ആളുകള്‍ എല്ലാ വ്യതിയാനങ്ങളുമായും പെട്ടെന്ന് അഡാപ്റ്റ് ചെയ്യുന്നു. അപ്പോ പ്രശ്നമില്ലല്ലൊ.
സുകുമാരേട്ടാ ഈ കമ്യൂണീ
സ്റ്റ്‌ പാറ്‍ട്ടിക്കു ഒരു ഗുണം അല്ലെങ്കില്‍ കുഴപ്പം ഉണ്ട് ഒരു കാര്യം അവരുടെ നേതാവിനെതിരെ പറഞ്ഞാല്‍ എസ്‌ എഫ് ഐയും, കേ എസ്‌ ടേ ഇ യും, ഡിഫിയും, എന്‍ ജി ഓ യൂണിയനും , കേ ജീ ഓ ഏയും സീ ഐ ടി യുവും എല്ലാം പിറ്റേ ദിവസം ഒരേ രീതിയില്‍ അതിനെ ന്യായീകരിക്കാന്‍ ശ്റമിക്കും
, പണ്ടു ഈ എം എസ്‌ അധ്യാപക സമരം അടിച്ചമറ്‍ത്തിയപ്പോള്‍ ഇവറ്‍ മുദ്രാവ്വാക്യം വിളിച്ചത്‌ 'ഞങ്ങടെ പോളീസ്‌ ഞങ്ങളെ തല്ലിയാല്‍ നിങ്ങള്‍ക്കെന്താ കോണ്‍ഗ്രസേ ' എന്നായിരുന്നു വെറുതെ അടി കൊണ്ടത്‌ അവനു പ്റശ്നമല്ല
ഈ ബ്റെയിന്‍ വാഷിംഗ്‌ എങ്ങിനെ സാധ്യമാകുന്നു എന്നു മനസ്സിലാകുന്നില്ല
പക്ഷെ ബൈജു ഏലിക്കാട്ടൂറ്‍ നല്ല ഒരു കമ്യൂണിസ്റ്റ്‌ അനുഭാവി ആയിരുന്നു ആണവ കരാറില്‍ ഒക്കെ എന്നെ അതി നിശിതം വിമറ്‍ശിച്ചിരുന്നു ഒരു കമ്യൂണിസ്റ്റ്‌ ഗുണ്ട തന്നെ ആയിരുന്നു ഇപ്പോള്‍ ബൈജുവിനു വിവരം വച്ചു
ഇതുപോലെ അനവധി ആളുകള്‍ വിവരം വച്ചു വരുന്നു
പക്ഷെ ചില തറകള്‍ ഉണ്ട് മമ്മൂൊട്ടി മോഹന്‍ ലാല്‍ ഫന്‍സ്‌ പോലെ പിണറായി കമ്യൂണിസ്റ്റ്‌ ഫാന്‍സ്‌ അവരോട്‌ വാചികമായി എതിരിടുന്നത്‌ പോത്തിണ്റ്റെ ചെവിയില്‍ വേദം ഓതുന്ന പോലെ ആണു ഒരു കാര്യവുമില്ല
“എന്നെ പോലെ ചിലര്‍ ഇങ്ങനെ ബ്ലോഗിലോ മറ്റും എഴുതും എന്ന് മാത്രം. അതങ്ങ് സഹിച്ചാ മതി.”
ആത്മീയ, മത ചാരിറ്റിമാഫിയകളെ പ്പറ്റി എഴുതിയാല്‍ വെവരം അറിയും, സി പി എമ്മിനെ പറ്റി എന്തെഴുതിയാലും കൊഴപ്പല്ല്യാന്ന്. അല്ലേ??
:)
“”ഇതുപോലെ അനവധി ആളുകള്‍ വിവരം വച്ചു വരുന്നു “
ആഹാ!!! കേരളം മൊത്തം വെവരം വെക്കട്ടെ.. :)
സി.പി.എമ്മിനെ പറ്റി എന്തെഴുതിയാലും കൊഴപ്പല്ല്യാന്നോ ? കണക്കായിപ്പോയി. അതിനുള്ള സെറ്റപ്പൊക്കെ അവര്‍ക്ക് ഉണ്ട്. എന്നെ അടിപ്പിക്കാനുള്ള ഉദ്ദേശ്യൊന്നും രാമചന്ദ്രനില്ലാലോ. ഇനിയിപ്പോ അങ്ങനെ പോന്നെങ്കി പോട്ട്.. വിപ്ലവം വന്നാ ഏതായാലും തല കഴുത്തിന് മീതെ കാണൂല്ലാലോ :)
എന്നെ പറ്റിയുള്ള നല്ല വാക്കിന്നു ആരൂഷിക്ക് നന്ദി. ഞാന് അന്നും ഇന്നും ഇടതുപക്ഷ അനുഭാവി തന്നെ. ഇടതുപക്ഷം എന്നാല്‍ അത് മാര്ക്സിസ്റ്റ് പാര്‍ടി അല്ല എന്നും നല്ല ബോദ്ധ്യം ഉണ്ട് എനിക്ക്.
"ഈ അമൃതാനന്ദമയി, തുടങ്ങിയങ്ങോട്ടുള്ള സകലതും പോലുള്ള മാഫിയാ തന്നെയാണോ ഈ ചാരിറ്റി മാഫിയായും"
പരിഹാസരൂപേണ ആണെങ്കിലും താരതമ്മ്യം ഏതാണ്ട് ശരി ആകുന്നുണ്ട്!
@Baiju Elikkattoor
ബൈജു, ഇടത്പക്ഷം എന്ന് പറയുമ്പോള്‍ നമുക്കൊരു സങ്കല്പമുണ്ട്. ദിമിത്രോവ് ഇങ്ങനെ പറഞ്ഞതായി ഒരിക്കല്‍ ഞാന് വായിച്ചിരുന്നു. തെറ്റിനും ശരിക്കും ഇടയില്‍ ഒരു നേര്‍വര വരച്ചാല്‍ ശരിയുടെ ഭാഗത്ത് സദാ നില്‍ക്കുന്നവനാണ് കമ്മ്യൂണിസ്റ്റുകാരന്‍ എന്ന്. കമ്മ്യൂണിസ്റ്റ് പാര്‍ട്ടി എത്രയോ നല്ല നേതാക്കളെ സംഭാവന ചെയ്തിട്ടുണ്ട്. അത്തരം നേതാക്കളെ ഗളഹസ്തം ചെയ്ത് തങ്ങളാണ് ശരിയായ കമ്മ്യൂണിസ്റ്റുകാര്‍ എന്ന് കുതന്ത്രങ്ങളിലൂടെ സ്ഥാപിച്ചെടുക്കുകയാണ് സ്റ്റാലിനും സ്റ്റാലിന്റെ പ്രേതം ആവേശിച്ചവരും ചെയ്തത്. അങ്ങനെയാണ് കമ്മ്യൂണിസം എന്നാല്‍ ഒരു ഭീകരതത്വശാസ്ത്രമാണ് എന്ന പ്രതീതി ജനിപ്പിച്ചത്. അതിന്റെ ഏറ്റവും പ്രാകൃതരൂപമാണ് മാര്ക്സിസ്റ്റ് പാര്‍ട്ടി. അവര്‍ക്ക് പരിഹാസരൂപേണയോടെയും ധാര്‍ഷ്ട്യത്തോടെയും മാത്രമേ സംസാരിക്കാനാവൂ. ഇടത്പക്ഷം എന്ന ഒരു മിത്ത് ആണ് അവര്‍ക്ക് ഇപ്പോഴും ഒരു സംരക്ഷണം തീര്‍ക്കുന്നത്. നമ്മുടെ മനസ്സിലുള്ള ഇടത്പക്ഷം എന്ന സങ്കല്പം സാക്ഷാല്‍ക്കരിക്കാന്‍ ഒരു നിയോ മൂവ്‌മെന്റ് ഉയര്‍ന്ന് വരണം. അത് വരുമോ എന്നറിയില്ല. വരണമെങ്കില്‍ തന്നെ കേരളത്തില്‍ സി.പി.എമ്മും ചൈനയില്‍ അവിടെ സി.പി.സി.യും തകരണം. എന്നാലും മനുഷ്യന്‍ പൂര്‍ണ്ണമായും ശരിയിലേക്ക് നീങ്ങും എന്ന് (മാര്‍ക്സ് നിരീക്ഷിച്ച പോലെ )കരുതാനും ഗ്യാരണ്ടിയൊന്നുമില്ല. കാരണം മാര്‍ക്സ് വിഭാവനം ചെയ്ത പോലെ മനുഷ്യമനസ്സ് നന്മയുടെ പൂര്‍ണ്ണതയിലേക്ക് പരിണമിക്കുന്നതായി കാണുന്നില്ല. യാദൃച്ഛികതയുടെ തുടര്‍ച്ചയാണ് മനുഷ്യന്റെയും ജനതയുടെയും ജീവിതം.
@ആരുഷിയുടെ ലോകം
പ്രിയ ആരുഷി, വേദം ഓതലല്ല ഞാന് ചെയ്യുന്നത്. മാര്‍ക്സിസ്റ്റുകാര്‍ എങ്ങനെ പ്രതികരിക്കുമെന്ന് നമുക്കറിയാം. കാരണം അവരെല്ലാം മോണോടൈപ്പുകളാണ്. രാഷ്ട്രീയം പറയുമ്പോള്‍ തത്തമ്മേ പൂച്ച പൂച്ച എന്ന മട്ടില്‍ ഏറ്റുപാടുന്നു എന്നേയുള്ളൂ. സ്വന്തമായി അവര്‍ക്കാര്‍ക്കും അഭിപ്രായമില്ല. അങ്ങനെ സ്വന്തം അഭിപ്രായം മനസ്സില്‍ അടക്കിനിര്‍ത്താന്‍ കഴിയുന്നവര്‍ക്കേ സി.പി.എമ്മില്‍ അണികളായി തുടരാന്‍ കഴിയൂ. ബൈജുവിനെ പോലെ സ്വന്തമായി ചിന്തിക്കുകയും അത് തുറന്ന് പറയുകയും ചെയ്യുന്നവരും ബ്ലോഗില്‍ ഉണ്ടല്ലൊ. രാമചന്ദ്രന്‍ പറഞ്ഞ മറുപടി ശ്രദ്ധിച്ചോ , ആഹാ !! കേരളം മൊത്തം വിവരം വെക്കട്ടെ എന്ന്. ആ പരിഹാസത്തില്‍ നിറഞ്ഞു നില്‍ക്കുന്നത് കേരളം എന്നും ഒരു മന്ദബുദ്ധിക്കൂട്ടമായി തുടരും എന്ന ആത്മവിശ്വാസമാണ്. എന്നാല്‍ രാമചന്ദ്രന്റെ നേതാക്കള്‍ക്ക് ആ ആത്മവിശ്വാസം ഇല്ല. കാലിന്റെ അടിയിലുള്ള മണ്ണ് ഒലിച്ചുപോകുന്നത് അവര്‍ അറിയുന്നുണ്ട്. പക്ഷെ അവര്‍ സുരക്ഷിതരാണ്. അതിനാണ് വന്‍ ബിസിനസ്സ് സ്ഥാപനങ്ങള്‍ സൊസൈറ്റിയായി റജിസ്റ്റര്‍ ചെയ്തു തുടങ്ങുന്നത്. ഇത്തരം സ്ഥാപനങ്ങളില്‍ ജോലി ലഭിക്കുന്ന പതിനായിരങ്ങള്‍ തങ്ങളെ സംരക്ഷിക്കും എന്നും അവര്‍ക്കറിയാം. ജനങ്ങള്‍ ഇല്ലെങ്കിലും ഈ സ്ഥാപനങ്ങളും അതിലെ ജീവനക്കാരും എന്നും ഈ നേതാക്കള്‍ക്ക് ഉണ്ടാകും. നമ്മെ സംബന്ധിച്ച് അഭിപ്രായം തുറന്നു പറയാനും ആരെയും ഭയപ്പെടാതെ വഴി നടക്കാനുമുള്ള സ്വാതന്ത്ര്യമാണ് വേണ്ടത്.
“”എന്നാല്‍ രാമചന്ദ്രന്റെ നേതാക്കള്‍ക്ക് ആ ആത്മവിശ്വാസം ഇല്ല“”
അയ്യോ സുകുമാരേട്ടാ, ഞാനാരുടേയും അനുയായിയല്ല. എനിക്ക് നേതാവും ഇല്ല. യു ഡി എഫ് അനുയായി ആയ സുകുമാരേട്ടന് , രാഹുല്‍ജിയെ നേതാവായി കാണുന്ന സുകുമാരേട്ടനിങ്ങനെ നിരന്തരം സി പി എമ്മിനെ നന്നാക്കാനായി പോസ്റ്റുകളിടുന്നതും ഇടത് പക്ഷത്തെ, പ്രത്യേകിച്ച് സി പി എമ്മിനെ നന്നാക്കാനായി പാര്‍ട്ടി പ്രവര്‍ത്തകരോട് കണ്ണൂര്‍ ലോബിക്കെതിരെ “കലാപം” നടത്താനുമൊക്കെ ആഹ്വാനം ചെയ്യുന്നതുമൊക്കെ കണ്ടപ്പോള്‍ എന്റെ ചില അഭിപ്രായങ്ങള്‍ പറഞ്ഞു എന്ന് മാത്രം. ആരെക്കൊണ്ടും തല്ലിക്കാനൊന്നും യാതൊരു ഉദ്ദേശവും ഇല്ലാട്ടാ. :)
"നമ്മുടെ മനസ്സിലുള്ള ഇടത്പക്ഷം എന്ന സങ്കല്പം സാക്ഷാല്‍ക്കരിക്കാന്‍ ഒരു നിയോ മൂവ്‌മെന്റ് ഉയര്‍ന്ന് വരണം. അത് വരുമോ എന്നറിയില്ല."
സന്തോഷണ്ട്, സുകുമാരേട്ടന്റെ ഉള്ളില്‍ ഒരു ഇടത് പക്ഷമുണ്ട് എന്നറിയുന്നതില്‍ . രാഹുല്‍ജി ഇടത് ആണോ?? ആവട്ടെ. സുകുമാരേട്ടന്റെ ഉള്ളില്‍ ഒരു വലത് പക്ഷമാണുള്ളത് എന്ന് കരുതിയാണ് ഞാന് ഇത്രയൊക്കെ പറഞ്ഞത്. ഇനി ആരുഷി പറഞ്ഞ “വിവരം“ വെക്കലും എല്ലാവരും ഇടത് പക്ഷം ആവണമെന്ന അര്‍ത്ഥത്തിലാണോ?? ബൈജു പറഞ്ഞ ഇടത് പക്ഷം എന്നാല്‍ സി പി എം മാത്രമല്ല എന്ന അര്‍ത്ഥത്തില്‍ ?? അങ്ങനെയാണോ ബൈജുവിന് ആരുഷി പറഞ്ഞ “വിവരം“ വെച്ചത്?? സി പി എം അല്ലെങ്കിലും എല്ലാവരും ഇടത് പക്ഷമാവുന്ന വിവരം വെക്കലാണെങ്കില്‍ സന്തോഷത്തോടെ ഇവിടെ നിന്നും പോണു. എനിക്കെപ്പോഴും ഒരു സ്നേഹം ഇടത് പക്ഷത്തോടുണ്ട്. അപ്പോ ഇവിടെയുള്ള ഇടത് പക്ഷക്കാരോട് എല്ലാവരോടും സ്നേഹത്തോടെ,
:)
സുകുമാരേട്ടോ, നമ്മളൊക്കെ ഭാഗ്യം ചെയ്തവര്‍. "മൃദുഭാഷണത്തിലൂടെ ഗര്‍ജ്ജിക്കുന്ന", "മാതൃകയാക്കാവുന്ന ഒരേ ഒരു ഇന്ത്യന്‍ യുവനേതാവ്"ന്‍റെ സമകാലികരാകാന്‍ കഴിഞ്ഞല്ലോ. എന്തായാലും മ്മടെ കാര്യം രാഹുലന്‍‌കുട്ടന്‍ ഒരു വഴിക്കാക്കിത്തരും. പക്ഷെ നമ്മടെ ചൊങ്കന് വയസ്സ് നാല്പ്പതായി. ഇനിയേലും പിടിച്ച് കല്യാണം കഴിപ്പിച്ച് രാഷ്ട്രനിര്‍മ്മാണപ്രക്രീയയുടെ അടുത്ത ഘട്ടം തുടങ്ങിവെച്ചില്ലെങ്കില്‍ വരുന്ന തലമുറ അനാഥമാകുമേ :)
Good one!read this too
Post a Comment