Links

കരുണാകരന്റെ കോണ്‍ഗ്രസ്സിലേക്കുള്ള തിരിച്ചു പോക്ക് സ്വാഗതാര്‍ഹം !


കേരളത്തില്‍ ഏറ്റവും കൂടുതല്‍ പരിഹസിക്കപ്പെടുകയും , എന്നാല്‍ ഏറ്റവും കൂടുതല്‍ ആരാധിക്കപ്പെടുകയും ചെയ്യുന്ന ഒരേയൊരു നേതാവാണ് ശ്രീ.കെ.കരുണാകരന്‍ . അദ്ദേഹത്തിന്റെ കോണ്‍ഗ്രസ്സിലേക്കുള്ള തിരിച്ചു പോക്ക് ജനാധിപത്യ വിശ്വാസികള്‍ പൊതുവേ സ്വാഗതം ചെയ്യും എന്നതില്‍ തര്‍ക്കമില്ല .
കേരള രാഷ്ട്രീയത്തില്‍ ആര്‍ക്കും അവഗണിക്കാന്‍ കഴിയാത്ത ഒരു വ്യക്തിത്വമാണ് കരുണാകരന്റേത് . അണികള്‍ക്ക് ഇത്രയധികം ആരാധ്യനാകാന്‍ എന്ത് സവിശേഷതയാണ് കരുണാകരനിലുള്ളത് ? ഉത്തരം ഒന്ന് മാത്രം ! കേരളത്തില്‍ ഇന്നും ജനാധിപത്യം അഭംഗുരം പുലരുന്നുണ്ടെങ്കില്‍ , അതിന്റെ കാരണം കരുണാകരന്റെ രാഷ്ട്രീയ നേതൃത്വം ഒന്ന് കൊണ്ട് മാത്രമായിരുന്നു .

കേരളത്തില്‍ മൃതപ്രായമായിരുന്ന കോണ്‍ഗ്രസ്സിന് പുതുജീവന്‍ നല്‍കി അതിനെ ഒരു ജനകീയ ജനാധിപത്യ പ്രസ്ഥാനമാക്കി വളര്‍ത്താന്‍ കഴിഞ്ഞത് കരുണാകരന്റെ കിടയറ്റ രാഷ്ട്രീയ പ്രവര്‍ത്തന ശൈലി ഒന്ന് കൊണ്ട് മാത്രമാണ് . അല്ലെങ്കില്‍ കേരളം 1967 മുതല്‍ തന്നെ ഒരു ബംഗാളായാനേ ! 77 ന് ശേഷമാണ് ബംഗാള്‍ ഇന്ന് കാണുന്ന ബംഗാളായത് . 30 വര്‍ഷത്തെ തുടര്‍ച്ചയായ കമ്മ്യൂണിസ്റ്റ് ഭരണം ബംഗാളിനെ അക്ഷരാര്‍ത്ഥത്തില്‍ ഒരു ബംഗാളാക്കിയിട്ടുണ്ട് . എന്താണ് ബംഗാള്‍ എന്ന് അവിടെ ഗ്രാമഗ്രാമാന്തരങ്ങളില്‍ സഞ്ചരിച്ചവര്‍ സാക്ഷ്യപ്പെടുത്തിയിട്ടുമുണ്ട് .

കരുണാകരന്‍ ഒരു പ്രായോഗിക രാഷ്ട്രീയനേതാവ് മാത്രമാണ് . അദ്ദേഹത്തിന് ആദര്‍ശത്തിന്റെ അസ്ക്യത തീരെയില്ല . എന്നാല്‍ അദ്ദേഹം രൂപം നല്‍കിയ ഐക്യജനാധിപത്യമുന്നണി എന്ന മഹാപ്രസ്ഥാനമായിരുന്നു , കേരളത്തെ ഒരു ബംഗാളാകാതെ സംരക്ഷിച്ചത് . കേരളം ബംഗാളായിരുന്നുവെങ്കില്‍ എന്ത് സംഭവിക്കുമായിരുന്നു ? അത് ഓര്‍ക്കുവാന്‍ പോലും കഴിയില്ല . ഒന്ന് മാത്രം പറയാം , സ്വന്തം പേരും വിലാസവും വെളിപ്പെടുത്തി ഞാന്‍ ഈ ബ്ലോഗ് പബ്ലിഷ്
ചെയ്യുകയില്ലായിരുന്നു !

എതിരാളികളാല്‍ ഇത്രമാത്രം പരിഹസിക്കപ്പെടാന്‍ മാത്രം എന്ത് അപരാധമാണ് ശ്രീ.കരുണാകരന്‍ ചെയ്തത് ? ഒന്ന് പറയുന്നത് , അദ്ദേഹം മക്കളെ വല്ലാതെ സ്നേഹിച്ചു , അവരെ രാഷ്ട്രീയത്തില്‍ കൊണ്ടുവന്നു എന്നാണ് . ആരാണ് മക്കളെ സ്നേഹിക്കാത്തത് ? മക്കളെയോ , ബന്ധുക്കളെയോ , ഭാര്യയെയോ, ഭാര്യവീട്ടുകാരെയോ , സില്‍ബന്ധികളെയോ രാഷ്ട്രീയത്തില്‍ കൊണ്ടു വരാത്ത ഏത് രാഷ്ട്രീയപ്പാര്‍ട്ടിയുണ്ട് ഇന്ത്യയില്‍ ?

മറ്റൊന്ന് അദ്ദേഹം ആഭ്യന്തരമന്ത്രിയായിരിക്കുമ്പോള്‍ രാജന്‍ എന്ന വിദ്യാര്‍ത്ഥി പൊലീസുകാരാല്‍ കൊല്ലപ്പെട്ടു എന്നതാണ് . ആ ഒറ്റക്കാരണം കൊണ്ട് കൊലയാളി കരുണന്‍ എന്ന് വിളിക്കപ്പെട്ട നേതാവാണ് അദ്ദേഹം . മറ്റ് നേതാക്കളാരും ആഭ്യന്തരമന്ത്രിയോ മുഖ്യമന്ത്രിയോ ആയിരിക്കുമ്പോള്‍ പോലീസുകാരാല്‍ ആരും തന്നെ ഇന്ത്യയില്‍ കൊല്ലപ്പെട്ടിട്ടില്ലേ ? വയനാടിന്റെ രോമാഞ്ചമായിരുന്ന വര്‍ഗ്ഗീസിനെ എങ്ങിനെയാണ് കൊന്നത് ? അന്നത്തെ ആഭ്യന്തരമന്ത്രിയെ ആരെങ്കിലും കൊലയാളി എന്ന് വിളിച്ചോ ?

കോണ്‍ഗ്രസ്സ് വിട്ട് ഗതി പിടിക്കാതെ വീണ്ടും കോണ്‍ഗ്രസ്സില്‍ ചേക്കേറുന്നു എന്നതാണ് ലേറ്റസ്റ്റ് പരിഹാസം . ഒരിക്കലല്ലെങ്കില്‍ മറ്റൊരിക്കല്‍ കോണ്‍ഗ്രസ്സ് വിട്ട് വീണ്ടും തറവാട്ടിലേക്കെന്ന് പറഞ്ഞ് തിരിച്ചു വന്നവരല്ലാത്ത എത്ര നേതാക്കളുണ്ട് കോണ്‍ഗ്രസ്സില്‍ ? ഇനി കോണ്‍ഗ്രസ്സിനെ തന്നെ തെറി വിളിക്കുന്നവരോടൊരു ചോദ്യം ! എല്ലാ കുറ്റവും കോണ്‍ഗ്രസ്സിന്റേത് തന്നെ , എന്നാല്‍ കോണ്‍ഗ്രസ്സിനെക്കാളും മികച്ച പാര്‍ട്ടി ഏതാണ് ഇന്ത്യയില്‍ ? എന്താണ് ആ മികവ് ?
ഞാന്‍ എന്റെ ഒരു പഴയ പോസ്റ്റില്‍ പറഞ്ഞ ഒരു കാര്യം ഇവിടെ വീണ്ടും ആവര്‍ത്തിക്കുന്നു :
" ഇന്ത്യയുടെ ആത്മാവ് ആവാഹിച്ചെടുത്ത ഒരു മഹാപ്രസ്ഥാനമായിരുന്നു ഇന്ത്യന്‍ നേഷണല്‍ കോണ്‍ഗ്രസ്സ് എന്ന് ആലങ്കാരിക ശൈലിയില്‍ പറയുന്നതില്‍ എനിക്ക് അഭിമാനമേയുള്ളൂ . ഇന്ത്യയിലെ എല്ലാ രാഷ്ട്രീയ പാര്‍ട്ടികളുടെയും മാതൃപേടകമാണ് കോണ്‍ഗ്രസ്സ് . ആശയപരമായ അഭിപ്രായ വ്യത്യാസങ്ങളുടെ പേരില്‍ തെറ്റി പിരിഞ്ഞ് പലരും പല പാര്‍ട്ടികളുണ്ടാക്കി . കോണ്‍ഗ്രസ്സിനെ മുഖ്യശത്രു സ്ഥാനത്ത് നിര്‍ത്തിയാണ് എല്ലാ പാര്‍ട്ടികളും ഇവിടെ വളര്‍ന്നത് . എന്നാല്‍ ഇന്ത്യയില്‍ ഇന്ന് കാണുന്ന ഈ ജനാധിപത്യ സ്വാതന്ത്ര്യവും , പുരോഗതിയുമുണ്ടാവാന്‍ കോണ്‍ഗ്രസ്സാണ് കാരണം എന്ന് ഞാന്‍ ഉറച്ചു വിശ്വസിക്കുന്നു .

സ്വാതന്ത്ര്യം ലഭിക്കുമ്പോള്‍ കമ്മ്യൂണിസ്റ്റ് പാര്‍ട്ടിക്കായിരുന്നു ഇന്ത്യയില്‍ മുന്‍‌തൂക്കമെങ്കില്‍ ഇന്ത്യ ഒരു കമ്മ്യൂണിസ്റ്റ് ഏകാധിപത്യ രാജ്യമായേനേ . ജനസംഘത്തിനാണ് മുന്‍‌തൂക്കമായിരുന്നെങ്കില്‍ ഒരു ഹിന്ദു രാഷ്ട്രമായി ഇന്നത്തെ പാകിസ്ഥാനേക്കാള്‍ മോശമായേനേ . അല്ല , ഇന്നുള്ള പോലെ പ്രാദേശിക കക്ഷികള്‍ക്കായിരുന്നു മുന്‍‌തൂക്കമെങ്കില്‍ ഇന്ത്യ ഛിന്നഭിന്നമായി കൊച്ചു കൊച്ചു രാജ്യങ്ങളായി ചിതറിത്തെറിച്ചേനേ !

എന്നാല്‍ ഇന്ദിരാ ഗാന്ധിയുടെ ചില നടപകളിലൂടെ അതായത് മുഴുവന്‍ അധികാരങ്ങളും തന്നിലേക്ക് കേന്ദ്രീകരിക്കാനുള്ള കുത്സിതശ്രമങ്ങളിലൂടെ കോണ്‍ഗ്രസ്സ് ഒരു സ്തുതിപാഠക വൃന്ദമായി അധ:പതിച്ചു . എന്നാലും കോണ്‍ഗ്രസ്സ് എത്ര ദുഷിച്ചാലും , കോണ്‍ഗ്രസ്സിനേക്കാളും മേന്മ അവകാശപ്പെടാന്‍ കഴിയുന്ന ഒരു പാര്‍ട്ടിയും ഇന്ന് ഇന്ത്യയിലില്ല എന്ന് ഞാന്‍ കരുതുന്നു."
ഇന്ത്യന്‍ ജനാധിപത്യം ഇന്ന് ഗുരുതരമായ ഒരു പ്രതിസന്ധിയിലാണ് . കോണ്‍ഗ്രസ്സ് എന്ന ദേശീയ പ്രസ്ഥാനത്തിന് മാത്രമേ ഇന്ത്യയെ , ഇന്ത്യയായി നിലനിര്‍ത്താന്‍ കഴിയൂ . കോണ്‍ഗ്രസ്സ് ശിഥിലമായാല്‍ ഇന്ത്യ ശിഥിലമായി എന്നാണര്‍ത്ഥം . അത്തരം ഒരു സ്ഥിതിവിശേഷം ഉണ്ടായിക്കാണാന്‍ ആഗ്രഹിക്കുന്നത് നമ്മുടെ അയല്‍ രാജ്യങ്ങള്‍ തന്നെയാണ് .

കുറേ നാളത്തെ രാഷ്ട്രീയ നിരീക്ഷണത്തില്‍ നിന്ന് ഞാന്‍ മനസ്സിലാക്കിയ ഒരു കാര്യം , സംസ്ഥാനത്തായാലും കേന്ദ്രത്തിലായാലും കോണ്‍ഗ്രസ്സ് ഭരിക്കുമ്പോള്‍ മാത്രമാണ് നാട്ടില്‍ ഐശ്വര്യമുണ്ടാവുന്നത് എന്നാണ് . കോണ്‍ഗ്രസ്സിന്റെ എക്കാലത്തെയും ഊര്‍ജ്ജസ്വലനായിരുന്ന നേതാവ് രാജീവ് ഗാന്ധി പ്രധാനമന്ത്രിയായിരിക്കുമ്പോഴാണ് ഇന്ന് കാണുന്ന ഈ വിവരസാങ്കേതിക വിദ്യയുടെ വളര്‍ച്ചക്ക് നാന്ദി കുറിച്ചത് എന്ന് അദ്ദേഹത്തിന്റെ ശത്രുക്കള്‍ പോലും സമ്മതിക്കും .
കോണ്‍ഗ്രസ്സിനെ എതിര്‍ക്കുന്നവരോട് ഒന്ന് ചോദിക്കട്ടെ ! കോണ്‍ഗ്രസ്സിന്റെ ജനദ്രോഹനയങ്ങളാണ് ഇവിടത്തെ എല്ലാ പ്രശ്നങ്ങള്‍ക്കും കാരണം എന്ന് നിങ്ങള്‍ 1947 ആഗസ്റ്റ് 15 മുതല്‍ പറഞ്ഞു വരുന്നുണ്ടല്ലോ . ഒന്നുമില്ലായ്മയില്‍ നിന്ന് ഈ മഹാരാജ്യത്തെ ഇന്നത്തെ നിലയില്‍ എത്തിച്ചതില്‍ നിങ്ങളുടെ നേതാക്കളുടെ സംഭാവന എന്താണ് ? കോണ്‍ഗ്രസ്സിന്റെ നയങ്ങള്‍ തെറ്റാണെന്ന് നാഴികക്ക് നാല്‍പ്പത് വട്ടം ഉരുവിടുന്നുണ്ടല്ലോ . നിങ്ങളുടെ നയങ്ങളാണ് ഇന്ത്യ പിന്‍‌തുടര്‍ന്നിരുന്നുവെങ്കില്‍ രാജ്യം ഇന്ന് ഈ കാണുന്ന അവസ്ഥയില്‍ ഉണ്ടാകുമായിരുന്നോ ?

ഇന്ത്യയുടെ അഖണ്ഡതയ്ക്കും , മതേതരത്വത്തിനും , ജനാധിപത്യത്തിനും ഏറ്റവും ഭീഷണി ഇന്ന് ബി.ജെ.പി എന്ന ആസുരസംഘടനയാണ് . വാജ്‌പൈയുടെ മന്ദസ്മിതം തൂകുന്ന ശാന്തമുഖം ബി.ജെ.പി ക്ക് നഷ്ടമായി . പകരം കിട്ടിയത് നരേന്ദ്രമോഡിയുടെ ദാര്‍ഷ്ട്യവും രൌദ്രവും നിറഞ്ഞ അസുരമുഖമാണ് . ഇവിടെ നമുക്കും നമ്മുടെ പിന്‍‌ഗാമികള്‍ക്കും സമാധാനത്തോടെ തുടര്‍ന്നും ജീവിയ്ക്കണമെങ്കില്‍ ചിന്തിക്കുന്ന എല്ലാവരുടെയും കടമ കോണ്‍ഗ്രസ്സിനെ ശക്തിപ്പെടുത്തുക എന്നതാണ് . കാരണം മുഴുവന്‍ ഇന്ത്യക്കാരെയും , ഭാഷയുടെയോ പ്രദേശത്തിന്റെയോ മതത്തിന്റെയോ ജാതിയുടേയോ വര്‍ഗ്ഗങ്ങളുടെയോ പേരിലല്ലാതെ പ്രതിനിധാനം ചെയ്യുന്ന ഒരേ ഒരു രാഷ്ട്രീയപ്പാര്‍ട്ടി കോണ്‍ഗ്രസ്സ് മാത്രമാണ് . എല്ലാം നമ്മുടെ കൈയില്‍ നിന്ന് കൈവിട്ട് പോയാല്‍ പിന്നെ പശ്ചാത്തപിച്ചിട്ട് കാര്യമുണ്ടാവുകയില്ല . ലീഡര്‍ കരുണാകരന്‍ നല്‍കുന്ന സന്ദേശം അതാണ് !

23 comments:

Unknown said...

കേരളത്തില്‍ ഏറ്റവും കൂടുതല്‍ പരിഹസിക്കപ്പെടുകയും , എന്നാല്‍ ഏറ്റവും കൂടുതല്‍ ആരാധിക്കപ്പെടുകയും ചെയ്യുന്ന ഒരേയൊരു നേതാവാണ് ശ്രീ.കെ.കരുണാകരന്‍ . അദ്ദേഹത്തിന്റെ കോണ്‍ഗ്രസ്സിലേക്കുള്ള തിരിച്ചു പോക്ക് ജനാധിപത്യ വിശ്വാസികള്‍ പൊതുവേ സ്വാഗതം ചെയ്യും എന്നതില്‍ തര്‍ക്കമില്ല .

കെ said...

കമ്മ്യൂണിസ്റ്റ് പാര്‍ട്ടികളും ഇടതുമുന്നണിയുമൊന്നും ഇല്ലായിരുന്നെങ്കില്‍, കരുണാകരന്‍ കേരളം സ്വര്‍ഗമാക്കിയേനെ. അശ്രീകരങ്ങള്‍. വഴി മുടക്കികള്‍!

"ഗീതയ്ക്കു മാതാവായ ഭൂമിയേ ദൃഢമിതുമാതിരിയൊരു
കര്‍മ്മയോഗിയെ പ്രസവിയ്ക്കൂ''വെന്ന് വളളത്തോളെഴുതിയത് കരുണാകരനെക്കുറിച്ചാണോ?

"താരകാമണി മാല ചാര്‍ത്തിയാലതും കൊളളാം
കാറണിച്ചെളി നീളെപ്പുരണ്ടാലതും കൊളളാം" എന്ന തരം രാഷ്ട്രീയത്തിന്റെ പേരാണോ ജനാധിപത്യം?

ജയ് കരുണാകരന്‍, ജയ് സുകുമാരേട്ടന്‍. ഒപ്പം കരുണാകരന്‍ പുലര്‍ത്തിത്തരാത്ത സ്വര്‍ഗരാജ്യത്തിന്റെ പേരില്‍ രണ്ടുതുളളി കണ്ണുനീരും.

sandoz said...

പഴേ പോലെ മീഡിയ അറ്റന്‍ഷന്‍ കിട്ടുന്നില്ലാ അച്ചനും മോനും....
ലീഡറുടെ കാലം കഴിഞാ മുരളീടെ കാര്യം കട്ടപ്പൊകേന്നുള്ളത് വേറെ കാര്യം...

വിന്‍സ് said...

THANK YOU.......!

Leaderey parihasikkunna thendikal okkey bangalil pooyi thaamasikkattey. allengil Naxelukaludey vihara kendramaya Andrayil pooyi thamasikkattey. Maarichan paranjathu poley swargam aakkillaayirunnikkam pakshe oru bangal aakkathey irunnu keralam ennathu thanney adheham cheytha valiya punyam.

Unknown said...

വിന്‍സ് , എല്ലാവരെയും ബഹുമാനിക്കാന്‍ നമ്മള്‍ ശീലിക്കണം . സഭ്യേതരമായ പദങ്ങള്‍ ഞാന്‍ എന്റെ ബ്ലോഗില്‍ അനുവദിക്കാറില്ല . അത് എല്ലാവരും മാന്യന്മാര്‍ ആയത് കൊണ്ടല്ല . നമ്മള്‍ സ്വയം മാന്യത പുലര്‍ത്തേണ്ടതുണ്ട് . മനുഷ്യര്‍ ആരും പരസ്പരം ശത്രുക്കള്‍ അല്ല . കാഴ്ചപാടുകളില്‍ വ്യത്യസ്ഥരാണെന്ന് മാത്രം . ഞാന്‍ ഈ പോസ്റ്റില്‍ പറഞ്ഞിരിക്കുന്നത് സത്യമാണെന്ന് നിഷ്പക്ഷരായ ആരും സമ്മതിക്കും . മാരീചന്‍ പോസ്റ്റ് മുഴുവനും വായിച്ചു എന്ന് തോന്നുന്നില്ല . എന്നാലും മൃദുവായേ മാരീചന്‍ പറഞ്ഞിട്ടുള്ളൂ . പറഞ്ഞതിന് തക്കതായ മറുപടി വിന്‍സ് നല്‍കുകയും ചെയ്തു . കമ്മ്യൂണിസ്റ്റുകാര്‍ക്ക് മൃഗീയ ഭൂരിപക്ഷം കിട്ടുകയാണെങ്കില്‍ സ്വാതന്ത്ര്യം ഇല്ലാതാവുക കമ്മ്യൂണിസ്റ്റ് വിരുദ്ധര്‍ക്ക് മാത്രമല്ല . മാരീചനെപ്പോലെയുള്ളവര്‍ക്ക് കൂടിയായിരിക്കും . സ്വതന്ത്രമായി ചിന്തിക്കുന്ന ധിഷണാശാലികളായിരുന്നു സോവിയറ്റ് യൂനിയനിലെ ലേബര്‍ ക്യാമ്പുകളില്‍ ജീവപര്യന്തം നരകിച്ചത് .....

Mr. K# said...

ഞാന്‍ ഈ പോസ്റ്റില്‍ പറഞ്ഞിരിക്കുന്നത് സത്യമാണെന്ന് നിഷ്പക്ഷരായ ആരും സമ്മതിക്കും.

അനുകൂലിച്ചില്ലെങ്കില്‍ ഞാന്‍ നിഷ്പക്ഷനല്ലാതെയാവുമോ എന്ന ഭയമില്ലാതില്ല. :-) എന്നാലും സുകുമാരന്‍ മാഷേ, ഒരു സംശയം.ഇങ്ങേരു ഈ വയസാം കാലത്ത് കോണ്‍ഗ്രസില്‍ ചെന്നിട്ട് എന്തു ചെയ്യാനാണ്. കാരണവര്‍ക്ക് ചെറുപ്പക്കാരൊക്കെക്കൂടി അകത്തെ മുറിയില്‍ ഒരു മൂലക്ക് ഒരു ചാരു കസേര ഇട്ടു കൊടുക്കും. അതും നല്ലതാ. പ്രായമായവരെ, ഗുരുക്കന്മാരെ ഒക്കെ ബഹുമാനിക്കുന്നത്. പക്ഷെ ജനാധിപത്യത്തിനു എന്തു ഗുണമുണ്ടാവാനാണ്‌? മുരളിയായിരുന്നെങ്കില്‍ എന്തെങ്കിലുമുണ്ടായിരുന്നു.

പണ്ടത്തെ കാര്യം ഒക്കെ വിടൂ. ഇപ്പോള്‍ കരുണാകരന്‍ കോണ്‍ഗ്രസിലേക്ക് തിരിച്ചു പോയാല്‍ എന്തു മാറ്റം വരുമെന്നാണ് താങ്കള്‍ പ്രതീക്ഷിക്കുന്നത്‌?
സ്വാഗതാര്‍ഹം എന്നു ടൈറ്റിലിലില്‍ കണ്ടതുകൊണ്ട് എന്തോ മാറ്റം താങ്കള്‍ പ്രതീക്ഷിക്കുന്നുണ്ട് എന്നു തോന്നി. അതു കൊണ്ട് ചോദിക്കുന്നതാണ്.

Mr. K# said...


1.കമ്മ്യൂണിസ്റ്റുകാര്‍ക്ക് മൃഗീയ ഭൂരിപക്ഷം കിട്ടുകയാണെങ്കില്‍ സ്വാതന്ത്ര്യം ഇല്ലാതാവുക കമ്മ്യൂണിസ്റ്റ് വിരുദ്ധര്‍ക്ക് മാത്രമല്ല . മാരീചനെപ്പോലെയുള്ളവര്‍ക്ക് കൂടിയായിരിക്കും .
2.സ്വതന്ത്രമായി ചിന്തിക്കുന്ന ധിഷണാശാലികളായിരുന്നു സോവിയറ്റ് യൂനിയനിലെ ലേബര്‍ ക്യാമ്പുകളില്‍ ജീവപര്യന്തം നരകിച്ചത്.


ഈ വാചകങ്ങള്‍ എനിക്കു വളരെ ഇഷ്ടപ്പെട്ടു. വാചകങ്ങളുടെ ഘടന. വ്യത്യസ്ഥ അര്‍ത്ഥങ്ങളുള്ള രണ്ടു വാചകങ്ങള്‍ ചേര്‍ന്ന് ഒരൊറ്റ അര്‍ത്ഥം.
ഒന്നിനൊന്നോടു സാദൃശ്യം.. ഉപമ അതല്ല.
മറ്റൊന്നിന്‍ ധര്‍മ്മയോ‍ഗത്താല്‍... ഉല്പ്രേക്ഷ അതും അല്ല.
ഈ അലങ്കാരത്തിന് ഒരു പേരുണ്ട് മലയാളത്തില്‍. മറന്നു പോയി. അര്‍ത്ഥാന്തരന്യാസം‌? അതോ അപ്രസ്തുത പ്രശംശയോ‌‌?

വിന്‍സ് said...

njan keralam bharikkunna manthrimar parayunna pala padhangalilum onnu mathramey upayogichullu. athil manyatha kuravundoo?? maathram alla K Karunakaraney parihasikkunnavar umman congressukar aanennullathanu yaatharthyam. Communistukar K Karunakarante thirichu varaviney bhayapedunnu ennullathanu sathyam.

K Karunakaran cheythathu valarey manyamaya oru karyam aanu. KM ROY ithiney prasamsichu ezhuthiyirikkunnathu ellavarum vaayikkanam. Mangalathil aanu KM ROY yudey lekhanam. K Karunakaranu prayam sareerathil mathramey ullu kuthira vatta... adhehathinte budhi koormmathakku oru kuravum vannittilla. ippozhum ethra sharp aanennullathinte udhaharanam aanu Manoramayil vanna adhehathinte interview. thankalkku athu kaanan pattum through my blog. pinney ithum adhehathinte oru kuthanthram aavam. NCPye LDF il edukkaan ulla chance thalli kalayaan aavilla. adutha electionil LDF nu theercha aayum NCP ye veendi varum. maathram alla Leader vannu kazhinjaal Muralikku 'THETTU THIRUTHI" ennu veenemengilum congressilekku thirichu varamallo.

Congressil pazhayathilum sakthanaavum Leader kaaranam ippol leaderodu aduthu koodan sremikkunnavar pandathey sathrukkal aayirunnu ennullathanu rasam. thomman chandy, Chenni thalayan ennivarey kondu olru punnaakkum keralathil congressinu cheyyan kazhiyilal ennullathu janavum bharana pakshavum manassilaakkiyirikkunnu.

Abhay said...

മാഷേ ലീഡറുടെ കാര്യ ശേഷിയും പ്രായോഗിക ബുദ്ധിയും ആരും സമ്മതിക്കും. രാജന്‍ കേസില്‍ താങ്ങളുടെ നിരീക്ഷണം വളരെ അര്‍ദ്ധവതാണ്. പക്ഷെ ഒരു ഘട്ടത്തില് സ്വന്തം കൂടെ നിന്നവരെ എല്ലാം മറന്നു, സ്വന്തം ഉത്തരവാദിത്വങ്ങള്‍ എല്ലാം മറന്നു, സ്വന്തം ആദര്‍ഷങള്‍ എല്ലാം മറന്നു പുത്രന് വേണ്ടി പ്രേവര്‍ത്തിചില്ലേ ?
മകനെ സ്നേഹിക്കുന്നതില്‍ തെറ്റില്ല, പക്ഷെ അത് മറ്റുള്ളവരുടെ അക്കൌണ്ട് ഇല ആകരുത് ......

ശ്രീവല്ലഭന്‍. said...

സുകുമാര്‍ജി,
" അണികള്‍ക്ക് ഇത്രയധികം ആരാധ്യനാകാന്‍ എന്ത് സവിശേഷതയാണ് കരുണാകരനിലുള്ളത് ? "
സത്യം പറഞ്ഞാല്‍ ഇന്നത്തെ ഫോട്ടോ കണ്ടപ്പോള്‍ അത് തന്നെയാണ് ഞാനും ചിന്തിച്ചത്‌. പക്ഷെ അതിനുത്തരം ജനാധിപത്യമാണോ എന്ന് സംശയം ഉണ്ട്. കാരണം പാകിസ്ഥാനില്‍ മുഷ്രഫിനെ പിന്തുണയ്ക്കുന്ന ഒരു MP യെ ഞാന്‍ ഈയിടെ പരിചയപ്പെട്ടു. അമേരിക്കയില്‍ പഠിച്ചു ഡോക്ടര്‍ ആയ ഒരു 35 വയസ്സുകാരി. അവള്‍ പറഞ്ഞത് ഇതാണ്
"I love the way he takes decisions"
ശരിക്കും ഒരു ആരാധന. അല്ലെങ്കില്‍ പിന്നെ ഈ മോഡിയെയും തോഗടിയെയും താങ്ങി ആള്‍ക്കാര്‍ പോകുമോ. എല്ലാ നേതാക്കള്‍ക്കും വേണ്ട പല നേതൃത്വ ഗുണങ്ങളും കരുണാകരനിലും (ഒരു പക്ഷെ ആശ്രിത വാല്‍സല്യം ആയിരിക്കാം) ( അത് പോലെ മുശ്രഫിലും (decision making), തോഗടിയയിലും (convinsing others) )ഉന്ടെങ്കിലും എന്റെ അഭിപ്രായത്തില്‍ അദ്ദേഹം സ്വയം അപഹാസ്യനായി തീരുന്നതാണ്.

" ഇന്ത്യയുടെ അഖണ്ഡതയ്ക്കും , മതേതരത്വത്തിനും , ജനാധിപത്യത്തിനും ഏറ്റവും ഭീഷണി ഇന്ന് ബി.ജെ.പി എന്ന ആസുരസംഘടനയാണ് ." അത് വളരെ പ്രസക്തമായ കാര്യം ആണെന്കിലും അതിനുള്ള മറുപടി കരുണാകരന്‍ കോണ്ഗ്രസ് ആണെന്ന് പറയുന്നതിനോടും യോജിപ്പില്ല.

വിന്‍സ് said...

എങ്കില്‍ താങ്കള്‍ പറയൂ.. കള്ള കമ്യൂണിസ്റ്റുകാര്‍ക്കും ബി ജെ പിക്കും ഉള്ള ബദല്‍ ആരാണെന്ന്??

വിന്‍സ് said...

btw... thaankaludey China Kadhakal nalla rasamaanu vaayikkan.

Unknown said...

ഈ പ്രായത്തില്‍ കരുണാകരന്‍ കോണ്‍ഗ്രസ്സില്‍ പോയിട്ടെന്ത് കാര്യം എന്ന് പലരും ചോദിക്കുന്നുണ്ട് . കേരളത്തിലെ എല്ലാ പഞ്ചായത്തുകളിലും എല്ലാ വാര്‍ഡുകളിലും ഇന്നും അനുയായികളുള്ള നേതാവാണ് കരുണാകരന്‍ . അന്ന് DICയെ LDFല്‍ എടുക്കാതിരുന്നത് ജനാധിപത്യകേരളത്തിന്റെ സുകൃതം കൊണ്ടാണ് . അങ്ങിനെ സംഭവിച്ചിരുന്നുവെങ്കിലും കേരളം ബംഗാളായേനേ ! കരുണാകരന്റെ കോണ്‍ഗ്രസ്സിലെക്കുള്ള തിരിച്ചു പോക്ക് ,ശരത് പവ്വാര്‍ അടക്കം കോണ്‍ഗ്രസ്സ് വിട്ടവര്‍ മുഴുവന്‍ വീണ്ടും കോണ്‍ഗ്രസ്സില്‍ തിരിച്ചെത്തുന്നതിനുള്ള വഴിയൊരുക്കും . കരുണാകരന്റെ ഈ തീരുമാനം ഇന്ത്യന്‍ രാഷ്ട്രീയത്തില്‍ ദൂരവ്യാപകമായ ഫലങ്ങള്‍ ഉളവാക്കും . അടുത്ത തെരഞ്ഞെടുപ്പില്‍ അദ്വാനിയാണത്രെ ബി.ജെ.പിയുടെ പ്രധാനമന്ത്രി സ്ഥാനാര്‍ത്ഥി . അതിനര്‍ത്ഥം ബി.ജെ.പി. മൊത്തം ആറെസ്സെസ്സ് ആയി മാറിക്കഴിഞ്ഞു എന്നാണ് . അങ്ങിനെ വരുമ്പോള്‍ സമാന മനസ്കരായ മുഴുവന്‍ പേര്‍ക്കും കോണ്‍ഗ്രസ്സില്‍ തിരിച്ചു പോകാതിരിക്കാന്‍ കഴിയില്ല . കരുണാകരന്റെ ഇന്നലത്തെ വാക്കുകള്‍ വളരെ പ്രസക്തമാണ് . ഇപ്പോള്‍ ആണവക്കരാറിന്റെ പേരില്‍ ഇടഞ്ഞു നില്‍ക്കുകയാണെങ്കിലും സി.പി.എം . അടക്കമുള്ള ഇടത് പാര്‍ട്ടികള്‍ക്ക് ഇനിയങ്ങോട്ട് രഷ്ട്രീയ പ്രവര്‍ത്തനം നടത്തണമെങ്കില്‍ കോണ്‍ഗ്രസ്സിനെ പിന്‍‌തുണക്കുകയല്ലാതെ മറ്റ് വഴിയുണ്ടാവില്ല .

കാട്ടുപൂച്ച said...

അക്ഷരം പ്രതിശരിയ മാഷേ . കരുണാകര ഭരണകാലം കേരളത്തിന്റെ സുവർണകാലം തന്നെയായിരുന്നു. ചില തല്പര മതനേതാക്കളുടെ ആജ്ഞാനവർത്തികളായ നേതാക്കളുടെ ഗൂഡതന്ത്രമായിരുന്നു വീഴ്ചയ്ക്ക് കാരണം. മക്കൾ രാഷ്ടീയം ഇന്ത്യയിലാകെ വീജയഗാഥ രചിക്കുന്നത് പരമയഥാ൪ത്തം തന്നെ.പക്ഷെ ലീഡറുടെ കാര്യത്തിൽ പാളി

saijith said...

sathyathil leadre parhasikkunnu ennu paryunvar..oru tharathil paranjal shariyalley?ee parnja gungangalum vykthutwavum okkey ulla pandu congasilullappol sakshal indiraji kazhinjal prime minister stanthekku ettavum yogyatha ulla (ennal styavum athu thanne)sree karunakarane veendum congerssilekkedukkan muslim leaugeinod alochikkunu allengil soniayumayum rahulumayum koodi kazhicha nadathan avasram kodukkum ennulla varthakalokkey kelkkumbol karunakarane polulla nethavu thirichu pokanamo ennu ennepolullavar theerchayayum chindikkum ennulathu urappanu pinne athilere ee avsarathil ene chindippikkunnthu karunakaran enthiananu congessil ninnum purathu chadiyathu(adarsham ulla oru netavu swantham swartha thalparyangalkku vendi enthinu swantham adarsham balikazhichu enna chodyavum ee velayil prasakthamanu)...........?

Unknown said...

സായ് .... ഗ്രൂപ്പ് രാഷ്ട്രീയത്തിന്റെ കുഴമറിച്ചലില്‍ കരുണാകരന്‍ പാര്‍ട്ടിയില്‍ നിന്ന് ചാടിക്കപ്പെട്ടു എന്നതാണ് നേര് . രാഷ്ട്രീയപ്പാര്‍ട്ടികളിലെ ഗ്രൂപ്പിസം ഇന്ന് നമ്മുടെ ജനാധിപത്യപാരമ്പര്യങ്ങളെ വികലമാക്കുന്ന കാഴ്ചയാണ് കാണാന്‍ കഴിയുന്നത് . രാഷ്ട്രീയം എല്ലാവരും വ്യക്തിപരമായാണ് എടുക്കുന്നത് . ജനാധിപത്യം നിലനില്‍ക്കണമെങ്കില്‍ ബഹുകക്ഷിസമ്പ്രദായം അനിവാര്യമാണ് . അതായത് ഒന്നില്‍ കൂടുതല്‍ പാര്‍ട്ടികള്‍ ഉണ്ടായേ പറ്റൂ . എന്റെ പാര്‍ട്ടി , എന്റെ നേതാവ് എന്ന് മാത്രമാണ് ആളുകള്‍ ചിന്തിക്കുന്നത് . ഫാസിസം വന്നു കയറാനുള്ള ഒരു മന:ശാസ്ത്ര ഇടനാഴിയാണിത് . രാജ്യത്തിന്റെ നിലനില്‍പ്പും പുരോഗതിയും, ജനാധിപത്യം മതേതരത്വം എന്നീ സങ്കല്‍പ്പങ്ങളുമായി അഭേദ്യമായി ബന്ധപ്പെട്ടിരിക്കുന്നു . ഇപ്പറഞ്ഞ മൂല്യങ്ങളില്‍ ഉറച്ചു നില്‍ക്കാന്‍ കഴിയുന്ന ഒരേയൊരു പാര്‍ട്ടി ഇന്ത്യയില്‍ കോണ്‍ഗ്രസ്സ് മാത്രമാണ് . അത് കൊണ്ട് ഇത്തരം ഇടുങ്ങിയ ചില മുന്‍‌വിധികളും അവിശ്വാസങ്ങളും മാറ്റി വെച്ച് ദേശാഭിമാനികള്‍ കോണ്‍ഗ്രസ്സിനെ ശക്തിപ്പെടുത്താന്‍ തയ്യാറാവണം . ഞാനിത് ഇപ്പോള്‍ പറയാന്‍ കാരണം ഹിന്ദു വര്‍ഗ്ഗീയത ശക്തി പ്രാപിക്കാനാവശ്യമായ സകല വിധമായ പശ്ചാത്തലങ്ങളും അണിയറയില്‍ ഒരുങ്ങി വരുന്നു . വോട്ട് ബാങ്ക് രാഷ്ട്രീയം കൈകാര്യം ചെയ്യുന്നു എന്ന് ബി.ജെ.പി. മറ്റുള്ള രാഷ്ട്രീയപ്പാര്‍ട്ടികളെ സദാ പരിഹസിക്കുമ്പോള്‍ തന്നെ ഹിന്ദുക്കളെ മൊത്തം ഒരു വോട്ട് ബാങ്ക് ആക്കി മറ്റാനുള്ള തീവ്രശ്രമത്തിലാണ് അവര്‍ . കേവലം രണ്ട് പാര്‍ലമെന്റ് സീറ്റില്‍ നിന്ന് ഒറ്റയടിക്ക് ഭരണത്തിലെത്താന്‍ കഴിഞ്ഞ പാര്‍ട്ടിയാണത് . വര്‍ഗ്ഗീയത മാത്രമാണവരുടെ തുറുപ്പ് ശീട്ട് . വര്‍ഗ്ഗീയത വളര്‍ത്തി മാത്രം ഒരു രാജ്യത്തെ മുന്നോട്ട് നയിക്കാനാവില്ല .

യാരിദ്‌|~|Yarid said...

1. "അണികള്‍ക്ക് ഇത്രയധികം ആരാധ്യനാകാന്‍ എന്ത് സവിശേഷതയാണ് കരുണാകരനിലുള്ളത് ? ഉത്തരം ഒന്ന് മാത്രം ! കേരളത്തില്‍ ഇന്നും ജനാധിപത്യം അഭംഗുരം പുലരുന്നുണ്ടെങ്കില്‍ , അതിന്റെ കാരണം കരുണാകരന്റെ രാഷ്ട്രീയ നേതൃത്വം ഒന്ന് കൊണ്ട് മാത്രമായിരുന്നു"

Joke of the year....

2".ഭാഷയുടെയോ പ്രദേശത്തിന്റെയോ മതത്തിന്റെയോ ജാതിയുടേയോ വര്‍ഗ്ഗങ്ങളുടെയോ പേരിലല്ലാതെ പ്രതിനിധാനം ചെയ്യുന്ന ഒരേ ഒരു രാഷ്ട്രീയപ്പാര്‍ട്ടി കോണ്‍ഗ്രസ്സ് മാത്രമാണ്"

Forget about the Sikh massacre...

3. "കുറേ നാളത്തെ രാഷ്ട്രീയ നിരീക്ഷണത്തില്‍ നിന്ന് ഞാന്‍ മനസ്സിലാക്കിയ ഒരു കാര്യം , സംസ്ഥാനത്തായാലും കേന്ദ്രത്തിലായാലും കോണ്‍ഗ്രസ്സ് ഭരിക്കുമ്പോള്‍ മാത്രമാണ് നാട്ടില്‍ ഐശ്വര്യമുണ്ടാവുന്നത് എന്നാണ്"

What about the Emrgencey


സ്വയം പരിഹാസ്യനാകരുത് സുകുമാരന്‍ സാര്‍, നിങ്ങളൊടുള്ള എല്ലാ ബഹുമാനവും തീര്‍ന്നുകിട്ടി...കഷ്ടം...

Unknown said...

വഴി പോക്കനോട് : ആരുടെയെങ്കിലും ബഹുമാനവും സ്നേഹവും ആര്‍ജ്ജിക്കാനാണെങ്കില്‍ ഞാന്‍ ബ്ലോഗ് എഴുതുമായിരുന്നുവോ ? എന്റെ പോസ്റ്റുകളിലൂടെ ഒന്ന് കണ്ണോടിക്കൂ .. ആരെയെങ്കിലും അലോസരപ്പെടുത്താത എന്തെങ്കിലും ഒന്ന് ഞാന്‍ എഴുതിയിട്ടുണ്ടോ ? ഇതില്‍ ഞാന്‍ കുറ്റക്കാരനല്ല . ഒരാള്‍ എന്ത് വിശ്വസിക്കുന്നു , എന്ത് പറയുന്നു എന്നതിന്റെ പേരില്‍ ഞാന്‍ ആരെയും വെറുക്കാറില്ല. മനുഷ്യന്‍ എന്ന ഒറ്റക്കാരണത്താല്‍ ഞാന്‍ എല്ലാവരേയും മനസ്സില്‍ സ്നേഹിക്കുന്നു . എന്നാല്‍ ഞാന്‍ മറ്റുള്ളവരില്‍ നിന്ന് ഒന്നും പ്രതീക്ഷിക്കുന്നില്ല . എന്നാലും എനിക്കാവശ്യത്തിന് വേണ്ടത്ര സ്നേഹവും ബഹുമാനവും എന്റെ ചുറ്റുമുള്ളവരില്‍ നിന്ന് കിട്ടുന്നുമുണ്ട് . ഞാന്‍ ഒരു രാഷ്ട്രീയക്കാരനല്ലാത്തതുകൊണ്ട് കമന്റില്‍ ചൂണ്ടിക്കാണിച്ച കാര്യങ്ങളില്‍ ഒന്നും പറയുന്നില്ല . അടിയന്തരാവസ്ഥയുടെ കറുത്ത നാളുകളില്‍ മാര്‍ക്സിസ്റ്റ് പാര്‍ട്ടിയില്‍ ചേര്‍ന്ന് പ്രവര്‍ത്തിച്ചവനാണ് ഞാന്‍ . എനിക്ക് അപ്പപ്പോള്‍ മനസ്സില്‍ തോന്നുന്നത് ബ്ലോഗില്‍ പകര്‍ത്തുന്നു എന്നേയുള്ളൂ . രാഷ്ട്രീയം സദാ മാറിക്കൊണ്ടിരിക്കുന്നു . കോണ്‍ഗ്രസ്സിനെ ശക്തിപ്പെടുത്തുകയാണിന്നത്തെ ആവശ്യം എന്നെനിക്ക് തോന്നുന്നു . അല്ലെങ്കില്‍ പിന്നെ കോണ്‍ഗ്രസ്സ് വിരോധത്തില്‍ കെട്ടിപ്പടുത്ത സി.പി.എം ഇപ്പോള്‍ എന്തിന് കോണ്‍ഗ്രസ്സിനെ പിന്‍‌താങ്ങണം ? എമര്‍ജന്‍സി കഴിഞ്ഞ് നടന്ന തെരഞ്ഞെടുപ്പില്‍ , ഏത് ചെകുത്താനെയും കൂട്ട് പിടിച്ച് കോണ്‍ഗ്രസ്സിനെ അറബിക്കടലില്‍ താഴ്ത്തുമെന്നാണ് അന്ന് ഈ.എം.എസ്സ് പ്രഖ്യാപിച്ചത് . എന്നിട്ട് ഇപ്പോഴോ ??

Jayakeralam said...

Dear Sukumaran Sir,

This is a very nice post. What you said on Karunakaran is exactly right. Karunakaran is the only CM who brought development in Kerala...He has a dream of development...but you see others...they just sit on the chair for 5 years and step down peacefully without doing anything...

വിന്‍സ് said...

Leader K Karunakaran Sindaabaaad. Leadery vilikku keralathey rakshikkuuu :)

Rajin Kumar said...

സുകുമാരന് സര്,
താങ്കളുടെ ഭൂരിഭാഗം അഭിപ്രായങ്ങളും വളരെ ശരിയാണ്. പ്രത്യേകിച്ചും കോണ്ഗ്രസിനെ കുറിച്ച്. കരുണാകരന്ടറെ ഭരണകാലം സുവര്ണകാലം എന്ന ചിലരുടെ അഭിപ്രായത്തോട് ഞാന് പൂര്ണമായി യോജിക്കുന്നില്ല. പക്ഷേ കേരളം കണ്ട ഏറ്റവും മികച്ച മുഖ്യമന്ത്രിയാണ് കരുണാകരനെന്ന് നിസംശയം പറയാം. കാരണം അച്ചുതാനന്ദനെപ്പോലെ മന്ത്രി സഭയിലെ മറ്റു മന്ത്രിമാരുടെ തമ്മില് തല്ലും, വാചക കസര്ത്തും നിസ്സഹായനായി നോക്കി നില്ക്കേണ്ടി വന്നിട്ടില്ല, അച്യുത മേനോനെ പോലെ തന്റെ ആഭ്യന്തര മന്ത്രി സൂപ്പര് മുഖ്യമന്ത്രി ചമയുന്നത് നിസഹായനായി അനുഭവിക്കേണ്ടി വന്നില്ല. നായനാരെപ്പോലെ പിന്നില് നിന്ന് ചില ശശിമാര് ഭരണം നടത്തുമ്പോഴ് അതുമറക്കാന് നാടുനീളെ കോമാളിത്തരം വിളമ്പേണ്ടി വന്നിട്ടില്ല. ആന്റണിയെപ്പോലെ ഘടക കക്ഷികള് മണ്ണും പെണ്ണും പങ്കുവച്ച് കളിക്കുമ്പോള് മൌന വൃതം ഉണ്ണേണ്ടി വന്നിട്ടില്ല.
ഒരു കാര്യം ഉറപ്പാണ് കരുണാകരന് ഇല്ലെങ്കില് ഇന്നു കാണുന്ന കേരളത്തിന്റെ പല അഭിമാന സ്തംഭങ്ങളും ഇല്ല. നെടുന്വാശ്ശേരിയല് എന്റെ ശവത്തില് ചവിട്ടിയേ വിമാനം ഇറക്കാനാവൂ എന്ന് വീമ്പിളക്കിയ മഹാന് ഇന്ന് അതിന്റെ ഭരണ തലപ്പത്തിരുന്ന് സുഖിക്കാന് സാധിക്കുമായിരുന്നോ ? ഇന്ത്യയും-ആസ്ത്രലിയയും തമ്മിലുള്ള ക്രിക്കറ്റ് മാച്ചും, ഇന്ത്യയും-ഇറാക്കും തമ്മിലുള്ള ഫുട് ബോള് മാച്ചും നേരിട്ട് മലയാളിക്ക് കാണാന് സാധിക്കുമായിരുന്നോ? എന്തിന് ഗോശ്രീ പാലം ഇല്ലാത്ത വൈപ്പിന് കരക്കാരുടെ അവസ്ഥ ഓര്ത്തു നോക്കു. ഇതെല്ലാം അദ്ദേഹത്തിന്റെ പല നേട്ടങ്ങളില് ചിലതു മാത്രമാണ്.
പക്ഷേ ഈ നേട്ടങ്ങളെയെല്ലാം പിന്നിലാക്കുന്നതാണ്, ആങ്ങള മരിച്ചാലും വേണ്ടില്ല, നാത്തൂന്റെ കണ്ണീര് കണ്ടാല് മതി എന്ന മനോഭാവം. എറണാകുളത്തെയും പിന്നെ തിരുവനന്തപുരത്തെയും ഉപ തിരഞ്ഞെടുപ്പുകളില് അദ്ദേഹം കാഴ്ച വെച്ച കളികള് ജനങ്ങള് മറന്നിട്ടില്ല. കെ.പി.സി.സി. പ്രസിഡന്റ് എന്ന നിലയില് വളരെ നല്ല രീതിയില് പേരെടുത്ത വരുന്ന സമയത്ത് എന്തിനാണ് മുരളിയെ മന്ത്രിയാക്കണം എന്ന് നിര്ബന്ധം പിടിച്ചത്. അതുപോരാഞ്ഞ് തന്നെയും , മകളേയും എം.പിയാക്കി ജനങ്ങള് ചുമക്കണം എന്ന് ദുര വാശി കാണിച്ചത്. എല്ലാത്തിനും വഴങ്ങിയ കോണ്ഗ്രസ് പാര്ട്ടിയെക്കൊണ്ട് മൂക്കു കൊണ്ട് ഇക്ഷ വരപ്പിച്ചു (പക്ഷേ ജനങ്ങള് ഈ മൂവര് സംഘത്തെ ഇക്ഷ വരപ്പിക്കുന്നതാണ് നമ്മള് കണ്ടത്). ഇതുകൊണ്ടും പോരാഞ്ഞ് ചാടിപ്പിടിച്ച് പാര്ട്ടിയെ പിളര്ത്തി ഒരു പാര്ട്ടി ഉണ്ടാക്കി. അടുത്ത ഭരണം ഇടതു മുന്നണിക്കാണ് എന്ന് ഉറപ്പിച്ച അദ്ദഹം അവിടെ വള്ളം കെട്ടാനാണ്, തിരുവനന്തപുരം ഉപതെരെഞ്ഞെടുപ്പിന് പന്ന്യനെ സഹായിച്ചത്. പക്ഷ ചട്ടനെ പൊട്ടന് ചതിച്ചാല് പൊട്ടനെ ദൈവം ചതിക്കും എന്നു പറഞ്ഞ പോലെ പന്ന്യനും കൂട്ടരും ഇലക്ഷന് കഴിഞ്ഞതോടെ കാലുമാറി. അപ്പോള് പുതിയ കളികളുമായി എന്.സി.പി. വഴി ഇടതുമുന്നണിയില് കയറാന് തോക്കി. എന്.സി.പി. ഇടതുമുന്നണിയില് നിന്ന് പുറത്തു പോയതല്ലാതെ അതും രക്ഷ ഇല്ലാതായി.. എല്ലാം കഴിഞ്ഞിരിക്കുമ്പോഴാണ്, ഇടതുമുന്നണി സ്വയം കുളം തോണ്ടിക്കൊണ്ടിരിക്കുന്നത് കണ്ടത്, അടുത്ത ഭരണം ഏതാണ്ട് യു.ഡി.എഫ് ഉറപ്പിച്ചു കഴിഞ്ഞു എന്നായപ്പോഴ് അച്ചനും മകനും പുതിയ കളിയുമായി ഇറങ്ങിയിരിക്കുകയാണ്.

chithrakaran ചിത്രകാരന്‍ said...

നല്ലൊരു വീക്ഷണം സുകുമാരേട്ട.

വര്‍ഗ്ഗീയതയുടെ നരസിംഹാവതാരമായതിനാല്‍ ബ്രഹ്മണ ജനത പാര്‍ട്ടിയേയും,...

ലക്ഷ്യം നേതാക്കളുടെ വ്യക്തിപരമായ ബിസിനസ്സാണോ പ്രസ്പരമുള്ള മത്സരമാണോ അതോ ജനക്ഷേമമാണോ എന്നു തിരിച്ചറിവു നഷ്ടപ്പെട്ട സിപീഎമ്മിനേയും,

നല്ല രാഷ്ട്രീയ പാര്‍ട്ടികളായി ഒരു ജനതയെന്ന നിലയില്‍ നമുക്കു സ്വീകാര്യമല്ലാതായിരിക്കുന്നു.

അപ്പോള്‍ ഇനി പ്രതീക്ഷിക്കാനുള്ളത് ... കോണ്‍ഗ്രസ്സ് എന്ന കീറമുണ്ടുതന്നെയാണ്.

ആ വീക്ഷണ കോണില്‍ സുകുമാരേട്ടന്റെ പോസ്റ്റ്
പ്രസക്തമാകുന്നുണ്ട്.

മാത്രമല്ല, സാമൂഹ്യമായ എല്ലാ പുരോഗമന ആശയങ്ങള്‍ക്കും,സ്വതന്ത്ര ചിന്തക്കും,ഒരു രാഷ്ട്രീയ ബധലിന്റെ സാധ്യതകള്‍ക്കും ഇടം കൊടുക്കാതെ ... സിപീഎം വഴിമുടക്കുന്നു.
തിന്നുകയുമില്ല..തീറ്റിക്കയുമില്ല എന്ന അവഥ.
അതു മാറുകതന്നെ വേണം.

പാര്‍ട്ടിയോ രാഷ്ട്രീയക്കാരോ ഒന്നുമായിരിക്കരുത്
നമ്മുടെ പ്രഥമ പരിഗണന.
നമ്മുടെ നാടു നന്നാകണം,ആ‍രു ഭരിച്ചാലും.

വായാടി മലയാളിയും ഭംഗിയായി കാര്യങ്ങള്‍ പറഞ്ഞിരിക്കുന്നു.

ജിജു said...

Hi,
Your views are ok. However, there wont be any impact by karunakarans return to congrass. yes, he is 'chnakya' in politics, but he and his family made the right democratic supporters as 'komalis'. Can you just remember about Padmaja's mukundhapuram candidateship? What is her qualities for an MP? My opinion is there should be a retirement age for politicians also like 65 or 70yrs.